غیر قانونی غیرملکیوں کی واپسی کا عمل جاری، 4لاکھ77ہزار سے زائد واپس جا چکے

عید کی تعطیلات کے بعد غیرقانونی و افغان سٹیزن کارڈز ہولڈرز کی واپسی میں تیزی

جمعرات 3 اپریل 2025 21:05

غیر قانونی غیرملکیوں کی واپسی کا عمل جاری، 4لاکھ77ہزار سے زائد واپس ..

لاہور(اُردو پوائنٹ اخبارتازہ ترین - این این آئی۔ 03 اپریل2025ء) حکومت کی جانب سے 31 مارچ کی ڈیڈلائن کے اعلان کے بعد سے اب تک 4 لاکھ 77 ہزار 434 افغان شہری واپس جا چکے ہیں۔ سرکاری ذرائع کے مطابق عید کی تعطیلات کے بعد غیر قانونی مقیم افغان شہریوں اور افغان سٹیزن کارڈ ہولڈرز کی واپسی میں تیزی آ رہی ہے۔

(جاری ہے)

2 اپریل کو 477 افغان شہری طورخم بارڈر کے راستے اپنے وطن واپس لوٹے جبکہ اب تک طورخم، انگور اڈہ اور خرلاچی بارڈر پوائنٹس کے ذریعے ہزاروں افغان شہری افغانستان جا چکے ہیں۔سرکاری ذرائع کا کہنا ہے کہ خیبرپختونخوا ہ میں واپسی کا یہ عمل مکمل طور پر رضاکارانہ ہے اور غیر قانونی افغان خود اپنی مرضی سے واپس جا رہے ہیں۔ اب تک کسی کو گرفتار کر کے زبردستی بھیجنے کی ضرورت پیش نہیں آئی۔