ٹیکساس میں خسرہ کی وبا شدت اختیار کرگئی

رواں سال خسرہ کے 600 سے زائد کیسز سامنے آ چکے ہیں،محکمہ صحت

پیر 7 اپریل 2025 16:19

ٹیکساس(اُردو پوائنٹ اخبارتازہ ترین - این این آئی۔ 07 اپریل2025ء)امریکی ریاست ٹیکساس میں خسرہ کی وبا شدت اختیار کر گئی۔میڈیا رپورٹس کے مطابق ٹیکساس میں اب تک 480 سے زائد خسرہ کے کیسز رپورٹ ہو چکے ہیں، جبکہ امریکا بھر میں خسرہ سے اب تک 3 اموات ہو چکی ہیں۔

(جاری ہے)

امریکی وزیرِ صحت رابرٹ ایف کینیڈی جونیئر کے مطابق رواں سال خسرہ کے 600 سے زائد کیسز سامنے آ چکے ہیں۔ان کا کہنا تھا کہ خسرہ کے پھیلا کو روکنے کا سب سے موثر طریقہ MMR ویکسین ہے۔امریکی وزیرِ صحت نے یہ بھی کہا کہ امریکا 2000 میں ملک سے خسرہ کے خاتمے کا اعلان کر چکا ہے۔