Live Updates

میں اسٹیو اسمتھ کی کاپی کرتا ہوں لیکن میرا یہ ہمیشہ سے اسٹائل رہا ہے

آئی پی ایل سے کوئی لینا دینا نہیں،کامران غلام نے اسٹیو اسمتھ سے موازنہ کرنے پر خاموشی توڑ دی

جمعرات 10 اپریل 2025 11:48

میں اسٹیو اسمتھ کی کاپی کرتا ہوں لیکن میرا یہ ہمیشہ سے اسٹائل رہا ہے

لاہور(اُردو پوائنٹ اخبارتازہ ترین - این این آئی۔ 10 اپریل2025ء)پاکستان سپر لیگ کی ٹیم ملتان سلطانز کے کھلاڑی کامران غلام نے میڈیا سے گفتگو میں کہا کہ پی ایس ایل کے دسویں ایڈیشن کے لئے ایکسائٹڈ ہیں اور ٹیم کا مورال بلند ہے۔کامران نے کہا کہ یہی سوچتے ہیں ٹاپ اسکورر بنے اور پرفارمنس ٹیم کے کام آئے اور ٹیم کو فائنل تک لے جایا جائے، جو ڈومیسٹک میں پرفارم کرتا ہے اس کے لئے انٹرنیشنل لیول پر مسائل نہیں ہوتے۔

(جاری ہے)

انہوں نے کہا کہ پی ایس ایل کے لئے کراؤڈ کافی آتا ہے لوگ اس کے لئے بے تاب ہوتے ہیں، فینز کو میسج ہے کہ فینز اسٹیڈیم آئیں اور میچز دیکھیں، ہر ٹیم کا الگ ماحول اور الگ انجوائمنٹ ہوتی ہے۔ملتان سلطان نے کھلاڑی نے کہا کہ پلئیر کو کافی اعتماد ملتا ہے اگر فرنچائز اونر آپ پر بھروسہ کریں، آئی پی ایل سے ہمارا کوئی لینا دینا نہیں، ہمارا سارا فوکس پی ایس ایل پر ہے، پی ایس ایل ہر سال بڑے پیمانے پر منعقد ہوتا ہے۔کامران غلام نے مزید کہا کہ میں اسٹیو اسمتھ کی کاپی کرتا ہوں لیکن میرا یہ ہمیشہ سے اسٹائل رہا ہے اور جو میرے ساتھ کھیلے ہیں ان کو ہمیشہ سے معلوم ہے کہ میرا یہی اسٹائل ہے۔