Live Updates

پی ایس ایل دنیا کی بہترین لیگ بن چکی ہے‘ ڈیوڈ ولی

پی ایس ایل اور آئی پی ایل ایک ہی وقت ہورہے مگرمجھے پی ایس ایل زیادہ اچھا لگ رہا ہے‘گفتگو

جمعرات 10 اپریل 2025 15:18

کراچی(اُردو پوائنٹ اخبارتازہ ترین - این این آئی۔ 10 اپریل2025ء) انگلینڈ کے تجربہ کار کرکٹر ڈیوڈ ولی نے کہا ہے کہ پی ایس ایل دنیا کی بہترین لیگ بن چکی ہے۔

(جاری ہے)

ملتان سلطانز کے پریکٹس سیشن سے قبل نیشنل سٹیڈیم کراچی میں میڈیا سے گفتگو کرتے ہوئے 35 سالہ ڈیوڈ ولی نے کہا کہ پی ایس ایل اور آئی پی ایل ایک ہی وقت میں منعقد ہورہے ہیں لیکن مجھے پاکستان لیگ میں شرکت کر کے زیادہ اچھا لگ رہا ہے۔عالمی ٹی 20 کپ 2022 کی فاتح ٹیم کے رکن ڈیوڈ ولی نے پی ایس ایل 10 میں بہترین پرفارمنس دکھانے کے عزائم ظاہر کرتے ہوئے کہا کہ امید ہے کہ لیگ میں دلچسپ مقابلے ہوں گے، ہماری کوشش ہوگی کہ جمعہ سے شروع ہونے والے 10 ویں ایڈیشن میں بہترین کارکردگی دکھائیں اور اچھی کرکٹ کھیلیں۔