استنبول، ترکیہ نے دو ممتاز صحافیوں کو حراست میں لے لیا گیا

صحافیوں کا ایردوآن کی حکومت پرتنقید کرنے والے چینل سے تعلق ہے، رپورٹ

جمعرات 10 اپریل 2025 16:52

استنبول، ترکیہ نے دو ممتاز صحافیوں کو حراست میں لے لیا گیا

انقرہ (اُردو پوائنٹ اخبارتازہ ترین - این این آئی۔ 10 اپریل2025ء)ترک پولیس نے مبینہ دھمکیوں اور بلیک میلنگ کی تحقیقات کے لیے استنبول میں جمعرات کو علی الصبح چھاپے مارے جن میں حزبِ اختلاف کے دو ممتاز صحافیوں کو حراست میں لے لیا۔میڈیارپورٹس کے مطابق تیمور سوئیکان اور مرات ایگریل دونوں اپنی تحقیقاتی رپورٹنگ اور حکومتی پالیسیوں اور اداروں کے خلاف تنقیدی مقف کے لیے معروف ہیں۔

یہ دونوں افراد صدر طیب ایردوآن کی حکومت پر تنقید کرنے والے ایک نیوز چینل ہاک ٹی وی کے لیے کام کرتے ہیں۔

(جاری ہے)

عدالتی دستاویز کے مطابق استنبول کی چوتھی فوجداری عدالت نے مذکورہ صحافیوں کی رہائش گاہوں کی تلاشی اور ضبطی کے وارنٹ کی منظوری دی جس کے تحت کمپیوٹرز، ہارڈ ڈرائیوز اور موبائل فونز سمیت ڈیجیٹل آلات کی ضبطی اور جانچ کی اجازت تھی۔یہ فیصلہ استنبول کے چیف پبلک پراسیکیوٹر کے دفتر کی درخواست پر جاری کیا گیا جس کے لیے تعزیرات کی شقوں کے تحت خطری اور بلیک میل سے متعلق تحقیقات کا حوالہ دیا گیا۔مافیا اور ریاستی اداروں کے درمیان مبینہ تعلقات پر متعدد کتابوں کے مصنفین سوئیکان اور ایگریل کو ماضی میں ان کی رپورٹنگ پر قانونی دبا کا سامنا کرنا پڑا ہے۔