Live Updates

اسلام آباد یونائیٹڈ 3 مرتبہ پی ایس ایل ٹائٹل جیتنے والی واحد ٹیم

رواں پی ایس ایل سیزن میں اسلام آباد یونائیٹڈ کی قیادت شاداب خان کریں گے

ذیشان مہتاب جمعہ 11 اپریل 2025 11:21

اسلام آباد یونائیٹڈ 3 مرتبہ پی ایس ایل ٹائٹل جیتنے والی واحد ٹیم

لاہور (اردو پوائنٹ تازہ ترین اخبار ۔ 11 اپریل 2025ء ) اسلام آباد یونائیٹڈ پی ایس ایل ٹائٹل تین مرتبہ جیتنے والی واحد ٹیم ہے، اسلام آباد نے 2016ء، 2018ء اور 2024ء میں پی ایس ایل ٹائٹل اپنے نام کیا، لاہور قلندرز نے یکے بعد دیگر 2 مرتبہ 2022ء اور 2023ء کا ٹائٹل جیتا۔

رواں پی ایس ایل سیزن میں اسلام آباد یونائیٹڈ کی قیادت شاداب خان کریں گے، لاہور قلندرز شاہین شاہ آفریدی کی قیادت میں میدان میں اترے گی، دونوں ٹیموں کو تجربہ کار ملکی اور غیرملکی کھلاڑیوں کی خدمات حاصل ہیں۔

اسلام آباد یونائیٹڈ نے اب تک پی ایس ایل میں مجموعی طور پر 100 میچز کھیلے ہیں۔ اسلام آباد یونائیٹڈ نے 55 میچز جیتے اور 44 میں اسے شکست ہوئی، اسلام آباد کا ایک میچ ٹائی ہوا۔

لاہور قلندرز نے 94 میں سے 40 میچوں میں کامیابی حاصل کی۔

(جاری ہے)

لاہور قلندرز کو 51 میچز میں شکست ہوئی اور 3 میچز ٹائی ہوئے۔

دوسری جانب پی ایس ایل 10 میں کرکٹ کے دنیا کے کئی بڑے نام کمنٹری میں نظر آئیں گے، انگلینڈ کے سابق کپتان سر ایلیسٹر کک اور ایم سی سی کے سابق صدر مارک نکولس کے نام قابل ذکر ہیں۔

پہلی مرتبہ ہر میچ میں مکمل اردو کمنٹری ہوگی، میچوں کے دوران ریفل ٹکٹ کے ذریعے انعامات اور نئی جدت کے ساتھ پلیئر ٹریکنگ ٹیکنالوجی کا متعارف کرائی جائے گی۔