Live Updates

ملتان سلطانز کے عثمان خان پی ایس ایل 10کا ٹائٹل جیتنے کیلئے پر عزم

جمعہ 11 اپریل 2025 21:31

لاہور(اُردو پوائنٹ اخبارتازہ ترین - آن لائن۔ 11 اپریل2025ء) پاکستان سپر لیگ کی فرنچائز ملتان سلطانز کے بیٹر عثمان خان کا کہنا ہے کہ سلطانز اس بار ٹورنامنٹ جیتنے کی پوری کوشش کریں گے۔ عثمان خان نے میڈیا سے گفتگو میں کہا کہ ہم نے پی ایس ایل 10 کے لیے سخت محنت کی ہے۔ ہماری کوشش ہوگی کہ نارمل کرکٹ کھیلیں اور ٹیم کے لیے بہترین کارکردگی دکھائیں۔

گزشتہ تین سیزن میں ہم فائنل ہار گئے لیکن اس بار ہدف فائنل جیتنا ہے۔کپتان محمد رضوان کے ساتھ ہونے والی بات چیت کے بارے میں عثمان نے بتایا کہ انہوں نے ٹیم کو پریشر فری رہنے اور نارمل کرکٹ کھیلنے کی ہدایت کی ہے۔ ان کا کہنا تھا کہ پہلا ہدف پلے ا?ف میں پہنچنا ہے، پھر فائنل جیتنا ہے۔عثمان خان نے ملتان سلطانز کے لوکل اور ایمرجنگ پلیئرز کو ٹیم کی طاقت قرار دیتے ہوئے کہا کہ اچھا "کامبی نیشن" ٹورنامنٹ میں کامیابی کی کلید ہے۔

(جاری ہے)

انہوں نے کہا کہ ہماری کوشش ہوگی کہ جیتنے والا کامبی نیشن جلد از جلد حاصل کریں اور اسے بار بار تبدیل نہ کریں۔پی ایس ایل کی اہمیت پر بات کرتے ہوئے عثمان نے کہا کہ یہ لیگ ان کے بین الاقوامی کیریئر کی وجہ بنی۔ انہوں نے اس سیزن کے اہداف کے بارے میں بتایا کہ میں اس سال 2 سنچری بنانا چاہتا ہوں اور ٹیم کے لیے بہترین کارکردگی دکھاو?ں گا۔متحدہ عرب امارات کی کرکٹ چھوڑ کر پاکستان کی طرف ا?نے کے فیصلے پر عثمان نے کہا کہ یہ ان کا خواب تھا۔

انہوں نے کہا کہ لوگوں نے کہا کہ میں نے غلط کیا، لیکن میں نے اپنے خواب کی خاطر قربانی دی۔ اللہ کا شکر ہے کہ مجھے پاکستان کی نمائندگی کا موقع ملا۔عثمان خان نے موجودہ دور کی بیٹنگ فرینڈلی کرکٹ کے بارے میں بات کرتے ہوئے کہا کہ وہ پی ایس ایل میں پاور پلے اور مڈل اوورز دونوں میں تیز رنز بنانے کی کوشش کریں گے۔ انہوں نے پاکستان کی جانب سے اوپننگ کرنے کے چیلنج کو قبول کرتے ہوئے کہا کہ میری کوشش ہوگی کہ جہاں بھی کھیلوں، اپنی طاقت کے مطابق تیز کھیلوں۔