بیٹی حریم سہیل کی محبت کس طرح پروان چڑھی، بینا چوہدری نے بتا دیا

ہفتہ 12 اپریل 2025 10:35

لاہور(اُردو پوائنٹ اخبارتازہ ترین - این این آئی۔ 12 اپریل2025ء)پاکستانی شوبز سے وابستہ سینئر اداکارہ بینا چوہدری نے اپنی بیٹی و اداکارہ حریم سہیل کی محبت اور پھر شادی کی تفصیلات بتا دیں۔رواں سال کے آغاز میں رشتہ ازدواج میں منسلک ہونے والی اداکارہ حریم سہیل نے اپنی والدہ و سینئر اداکارہ بینا چوہدری کے ہمراہ نجی چینل کے پروگرام میں بطور مہمان شرکت کی۔

دوان انٹرویو میزبان نے حریم سہیل سے ان کی شادی کے حوالے سے سوال کیا کہ کیا ان کی شادی ارینج میریج تھی یا پھر لو میریج بیٹی و اداکارہ حریم سہیل اور ان کے داماد ریان کی ملاقات کس طرح ہوئی،جس پرسینئر اداکارہ بینا چوہدری نے بتایا کہ ریان حریم کے اسکول میں ان کے سینئر تھے، جب حریم نے سکول میں داخلہ لیا تو اس وقت وہ پاس آؤٹ ہو گئے تھے لیکن حریم کی ایک دوست ریان کی بھی دوست تھی، اس لیے گیٹ ٹو گیدرز میں ملنا جلنا رہتا تھا جہاں حریم کی دوستی ریان سے ہوئی لیکن ریان نے جب حریم کو پرپوز کیا تو اس نے انکار کر دیا۔

(جاری ہے)

میزبان نے جب حریم سہیل سے انکار کی وجہ پوچھی تو انہوں نے بتایا کہ میں اس وقت صرف 20سال کی تھی اور شادی کیلئے تیار نہیں تھی اس لیے ریان کو یہ کہہ کر منع کر دیا کہ دوست ہو دوست ہی رہو۔بینا چوہدری نے بتایا کہ اس کے 2سال بعد ریان نے مجھ سے بات کی تو میں نے حریم کو ریان کے لیے راضی کر لیا۔