پنجاب اسمبلی کی قائمہ کمیٹی نے فنانس ترمیمی بل 2025 کی منظوری دیدی

نجی کمپنیوں کے اکائونٹس آفیسرزکو تنخواہوں سے ٹیکس کی کٹوتی کرنے کا اختیار مل گیا

ہفتہ 12 اپریل 2025 14:55

پنجاب اسمبلی کی قائمہ کمیٹی نے فنانس ترمیمی بل 2025 کی منظوری دیدی

لاہور(اُردو پوائنٹ اخبارتازہ ترین - این این آئی۔ 12 اپریل2025ء)پنجاب اسمبلی کی قائمہ کمیٹی برائے خزانہ نے فنانس ترمیمی بل 2025 کی منظوری دیدی،نجی کمپنیوں کے اکائونٹس آفیسرز کو تنخواہوں سے ٹیکس کی کٹوتی کرنے کا اختیار مل گیا۔ اجلاس کی صدارت چیئرمین آغا علی حیدر نے کی جس میںمختلف محکموں کے افسران نے شرکت کی۔

(جاری ہے)

ترمیمی بل کے مطابق ڈی ڈی اوز ٹیکس کٹوتی کے بعد ہی تنخواہیں جاری کریں گے،ٹیکس کی عدم ادائیگی پر محکمہ ایکسائز کا متعلقہ افسر جوابدہ ہوگا۔

ٹیکس کی رقم براہ راست سرکاری خزانے میں جمع کرانا لازم قرار دے دیا ہے ،پنجاب فنانس ترمیمی بل 2025 جلد اسمبلی اجلاس میں پیش کیا جائے گا۔ بل کے مطابق ٹیکس جمع نہ کروانے کی صورت میں محکمہ ایکسائز فوری کارروائی کرے گا،سرکاری افسران پر ٹیکس کٹوتی خزانے میں جمع کروانے کی ذمہ داری عائد کی گئی ،اگر کوئی افسر غفلت برتے گا تو وہ خود ٹیکس کی رقم ادا کرنے کا پابند ہوگا۔