Live Updates

پشاور زلمی اور فلائی جناح کا پی ایس ایل 10کیلئے شراکت داری کا معاہدہ

ہفتہ 12 اپریل 2025 22:22

اسلام آباد (اُردو پوائنٹ اخبارتازہ ترین - این این آئی۔ 12 اپریل2025ء)پاکستان سپر لیگ کی مقبول فرنچائزز پشاور زلمی اور فلائی جناح کے درمیان پی ایس ایل 10 کیلئے شراکت داری معاہدہ طے پا گیا۔دلچسپ سیزن میں فلائی جناح بطور آفیشل ایئرلائن پارٹنر"پنی خدمات جاری رکھے گی اور اس کا لوگو ٹیم کی کٹس کے کالر پر نمایاں ہوگا۔یادگار مفاہمتی یادداشت پر دستخط کی تقریب ہوائی اڈے پر منعقد ہوئی، جس میں فلائی جناح کے طیارے اور کیبن کریو کو پس منظر میں دکھا کر سفر اور کھیل کے جذبے کی عکاسی کی گئی۔

اس موقع پر *پشاور زلمی کے سی او او، عباس لائق، فلائی جناح کے سی ای او، ارمان یحیی* اور نمایاں زلمی کھلاڑیوں *مہران ممتاز،، حسین طلعت، اور محمد حارث* نے شرکت کی، جبکہ دونوں اداروں کے اہم عہدیداران بھی موجود تھے۔

(جاری ہے)

اس شراکت داری کی تجدید کرکٹ کے فروغ، شائقین کے ساتھ تعلقات مضبوط بنانے، اور ملک بھر کے مداحوں کو بہترین تجربات فراہم کرنے کے مشترکہ عزم کی علامت ہے۔

پشاور زلمی کے چیئرمین، جاوید آفریدی* نے خوشی کا اظہار کرتے ہوئے کہا کہ ہم پی ایس ایل 10 کے لیے فلائی جناح کے ساتھ اپنی شراکت داری کو جاری رکھنے پر انتہائی پرجوش ہیں۔ ان کی سپورٹ نے ہماری ٹیم کی کارکردگی کو بہتر بنانے اور مداحوں کے ساتھ تعلق مضبوط کرنے میں اہم کردار ادا کیا ہے۔ ہم اس سیزن میں نئی بلندیوں تک پہنچنے اور کرکٹ شائقین کے لیے شاندار تجربات لانے کے لیے پرعزم ہیں۔

فلائی جناح کے ترجمان نے کہا کہ فلائی جناح کو پشاور زلمی کے ساتھ اپنی شراکت داری کو جاری رکھنے پر فخر ہے، یہ تعاون بہترین کارکردگی اور کمیونٹی انگیجمنٹ کے ہمارے مشترکہ عزم کی عکاسی کرتا ہے۔ ہم ٹیم کو پی ایس ایل 10 اور مستقبل میں کامیابیوں کے لیے بھرپور سپورٹ فراہم کریں گے۔کرکٹ کے میدان سے ہٹ کر یہ شراکت داری شائقین سے براہ راست رابطہ اور ڈیجیٹل مہمات پر توجہ دے گی، تاکہ پشاور زلمی کے چاہنے والوں کو کھیل کا جوش و خروش پہلے سے کہیں زیادہ محسوس ہو۔ پشاور زلمی اور فلائی جناح سوشل میڈیا پلیٹ فارمز پر خصوصی مواد اور انٹرایکٹو کیمپینز پر مل کر کام کریں گے۔