Live Updates

محمد عامر اور صائم ایوب کے درمیان کیا گفتگو ہوئی ویڈیو وائرل

صائم ایوب بھی محمد عامر کی گیند پر شاٹ کھیلنے گئے اور ناکام رہے ‘ دونوں کھلاڑیوں کے درمیان جملوں کا تبادلہ بھی ہو

اتوار 13 اپریل 2025 11:55

راولپنڈی (اُردو پوائنٹ اخبارتازہ ترین - این این آئی۔ 13 اپریل2025ء)پی ایس ایل 10 کے دوسرے میچ میں کوئٹہ گلیڈی ایٹرز کے محمد عامر اور پشاور زلمی کے صائم ایوب آمنے سامنے آگئے۔راولپنڈی میں کھیلے گئے پی ایس ایل کے دوسرے میچ میں کوئٹہ گلیڈی ایٹرز نے پشاور زلمی کو 80 رنز سے شکست دے دی۔ کوئٹہ گلیڈی ایٹرز کی جانب سے دیے گئے 217 رنز کے تعاقب میں پشاور زلمی کی ٹیم 15.1 اوورز میں 136 رنز پر ڈھیر ہوگئی۔

بابر اعظم کو محمد عامر نے صفر پر پویلین کی راہ دکھائی، محمد حارث 13 اور ٹام کوہلر کیڈمور بغیر کوئی رن بنائے آؤٹ ہوئے۔کوئٹہ گلیڈی ایٹز کی جانب سے ابرار احمد نے چار کھلاڑیوں کو آؤٹ کیا، عثمان طارق اور محمد عامر نے دو، دو وکٹیں حاصل کیں۔تاہم محمد عامر نے اپنے پہلے ہی اوور میں صائم ایوب اور بابر اعظم کو کھل کر کھیلنے نہیں دیا۔

(جاری ہے)

صائم ایوب بھی محمد عامر کی گیند پر شاٹ کھیلنے گئے اور ناکام رہے اس دوران دونوں کھلاڑیوں کے درمیان جملوں کا تبادلہ بھی ہوا جس کی ویڈیو سوشل میڈیا پر وائرل ہورہی ہے۔

ویڈیو میں صائم اور عامر کو ایک دوسرے سے گفتگو کرتے دیکھا جاسکتا ہے۔محمد عامر نے 2.1 اوورز میں 11 رنز دے کر دو کھلاڑیوں کو آؤٹ کیا، فاسٹ بولر نے بابر اعظم اور مچل اوین کی وکٹیں حاصل کیں۔پشاور زلمی کی جانب سے صائم ایوب 50 رنز بنا کر ٹاپ اسکورر رہے۔