مسجد الحرام میں عمرہ زائرین کو بروقت طبی امداد کی فراہمی

اتوار 13 اپریل 2025 12:30

مکہ مکرمہ(اُردو پوائنٹ اخبارتازہ ترین - این این آئی۔ 13 اپریل2025ء)مسجد الحرام میں متعین ہلال احمر کی ٹیم نے عارضہ قلب میں مبتلا 2 عمرہ زائرین کو بروقت طبی امداد فراہم کر کے ان کی جان بچا لی۔

(جاری ہے)

عرب ٹی وی کے مطابق مسجد الحرام میں ایک 50 سالہ انڈونیشی عمرہ زائر کو دل کا دورہ پڑا جس کی اطلاع ملتے ہی ہلال احمر کے اہلکار وہاں پہنچ گئے جنہوں نے درد کی شدت سے بے ہوش ہو جانے والے زائر کو ابتدائی طبی امداد فراہم کی جس سے اس کی حرکت قلب بحال ہو گئی۔

طبی امداد کے دوسرے کیس میں انڈین عمرہ زائر جن کی عمر 80 برس کے قریب بتائی گئی تھی کو برین ہیمریج ہوا جنہیں فوری طور پر مصنوعی تنفس دیتے ہوئے ہنگامی صورتحال میں استعمال ہونے والی ادویات فراہم کی گئیں۔ ان کی حالت قدرے بہتر ہونے پر انہیں قریب ترین ہسپتال منتقل کر دیا جہاں ان کی حالت بہتر بتائی جاتی ہے۔