مکہ مکرمہ میں حج سیزن کی تیاریوں کا آغاز

جن کے اقامے مکہ شہر سے جاری ہوئے ہیں انہیں پرمٹ سے استثنی حاصل ہو گا،حکام

اتوار 13 اپریل 2025 12:45

مکہ مکرمہ (اُردو پوائنٹ اخبارتازہ ترین - این این آئی۔ 13 اپریل2025ء)مکہ مکرمہ میں حج سیزن کی تیاریوں کا آغاز کر دیا گیا۔عرب ٹی وی کے مطابق سعودی وزارتِ داخلہ نے کہاکہ مکہ میں داخلے کے لیے پرمٹ کی شرط پر 23 اپریل سے عمل درآمد ہوگا، مملکت میں عمرہ ویزے پر موجود غیر ملکی 29 اپریل تک اپنے ملکوں کو لوٹ جائیں، واپس نہ جانا خلاف ورزی شمار کیا جائے گا۔

(جاری ہے)

سعودی وزارتِ داخلہ کا کہنا تھا کہ 23 اپریل کے بعد سے سعودی عرب کے مختلف شہروں میں مقیم غیر ملکیوں کو مکہ جانے کے لیے پرمٹ درکار ہو گا، پرمٹ کے بغیر جانے والوں کو شمیسی یا دیگر چیک پوسٹوں سے واپس بھیجا جائے گا۔سعودی وزارتِ داخلہ نے کہا کہ جن کے اقامے مکہ شہر سے جاری ہوئے ہیں انہیں پرمٹ سے استثنی حاصل ہو گا، ایسے غیر ملکی جنہیں کام کی غرض سے مکہ یا مشاعر مقدسہ جانا ہوتا ہے پورٹل سے پرمٹ جاری کرنا ہو گا۔