ایشیاء کی سب سے بڑی مویشی منڈی کا 19 اپریل کو افتتاح متوقع

افتتاح سے قبل ہی پنجاب اور سندھ سے جانوروں کی آمد شروع ہوگئی

اتوار 13 اپریل 2025 19:55

کراچی (اُردو پوائنٹ اخبارتازہ ترین - این این آئی۔ 13 اپریل2025ء) ایشیاء کی سب سے بڑی مویشی منڈی کا 19 اپریل کو افتتاح متوقع ہے ۔ افتتاح سے قبل ہی پنجاب اور سندھ سے جانوروں کی آمد شروع ہوگئی ہے۔ ناردرن بائی پاس پر لگنے والی اس مویشی منڈی میں عوام اور بیوپاریوں کے لئے سہولیات ہی سہولیات دی جائیں گی۔ ترجمان مویشی منڈی کے مطابق منڈی آنے والے خریداروں کیلئے پارکنگ فیس میں 50فیصد تک بڑا ڈسکائونٹ دیا جائے گا۔

بیوپاری اور خریدار کی آسانی کیلئے منڈی میں اے ٹی ایم مشین کی سہولت بھی دی جائے گی۔ جنرل بلاکس میں بیوپاریوں کو اپنے ساتھ معیاری ٹینٹ لانے کی اجازت ہوگی۔ وی وی آئی پی اور وی آئی پی بلاکس میں ٹینٹ لگانے پر انتظامیہ کی جانب سے بڑا ریلیف دیا جائے گا۔ وی وی آئی پی اور وی آئی پی بلاکس میں ٹینٹ انتظامیہ سے ڈسکانٹ قیمت پر حاصل کیا جاسکتا ہے۔

(جاری ہے)

وی وی آئی پی اور وی آئی پی بلاکس کے بیوپاری اگر اپنا ٹینٹ لگاتے ہیں تو انتظامیہ کو جگہ کے حساب سے رعایتی قیمت ادا کرنی ہوگی۔ ٹینٹ منڈی انتظامیہ کے معیار کے مطابق ہونا چاہیے ۔معیاری ٹینٹ نہ ملنے کی صورت میں انتظامیہ سے ٹینٹ رعایتی نرخوں پر لیا جاسکتا ہے۔ مویشی دوست منڈی کا افتتاح 19اپریل کو متوقع ہے۔ افتتاح سے پہلے ہی پنجاب و سندھ سے بیوپاریوں کا مال آنا شروع ہوگیا ہے۔