آبادی میں تیزی سے اضافے سے خواتین کی صحت پر منفی اثرات مرتب ہو رہے ہیں، ڈاکٹرامبرین مینگل

پیر 14 اپریل 2025 18:37

کوئٹہ (اُردو پوائنٹ اخبارتازہ ترین - اے پی پی۔ 14 اپریل2025ء) محکمہ بہبود آبادی کی جانب سے خاندانی منصوبہ بندی کے حوالے سے ایک روزہ سیمینار کا انعقاد کیا گیا۔ تقریب کی مہمان خصوصی ڈاکٹر امبرین مینگل تھیں۔ تقریب سے خطاب کرتے ہوئے انہوں نے کہا کہ خاندانی منصوبہ بندی کے ذریعے خواتین اور بچوں کی صحت پر بہتر اثرات مرتب ہوں گے اور آبادی اور وسائل میں توازن پیدا کرنے اور بلوچستان کو ترقی کی راہ پر گامزن کرنے کے لیے جید علما کرام کا کردار اہم ہے۔

(جاری ہے)

آبادی میں تیزی سے اضافے سے خواتین کی صحت پر منفی اثرات مرتب ہو رہے ہیں۔ آبادی اور وسائل میں توازن پیدا کر کے بلوچستان کو ترقی کی راہ پر گامزن کیا جا سکتا ہے۔ انہوں نے اس عزم کا اعادہ کیا کہ وہ ہر اچھے کام میں حکومت اور ضلعی انتظامیہ کے شانہ بشانہ کھڑے رہیں گے اور اپنا بھرپور تعاون پیش کریں گے۔اس موقع پر ڈاکٹر ثمینہ بگٹی، جمعہ خان کاکڑ، عبد الستار شاہوانی، ملک نعیم کاسی، ڈاکٹر سرمد سعید، محمد ایوب کاکڑ، عبدالطیف محمد حسنی، مختلف سینٹرز کے فیملی ورکر کثیر تعداد میں موجود تھے۔ شرکاء کا کہنا تھا کہ خواتین کے تولیدی نظام اور ماں اور بچے کی صحت کے لیے خاندانی منصوبہ بندی ضروری ہے۔