ہٹیاں بالا ، میلادِ مصطفیٰؐ کانفرنس اور مسجد حضرت عمر فاروقؓ چھم کا باوقار افتتاح کر دیا گیا

ہٹیاں بالا(اُردو پوائنٹ اخبارتازہ ترین - این این آئی۔ 15 اپریل2025ء) وادی چھم میں ضلع جہلم ویلی سے تعلق رکھنے والے لاہور میں مقیم ممتاز عالم دین علامہ مشتاق چوہدری کی سرپرستی میں میلادِ مصطفیٰؐ کانفرنس اور مسجد حضرت عمر فاروقؓ چھم کا باوقار افتتاح کر دیا گیا ضلع جہلم ویلی کے چھم کے علاقے میں ایک روح پرور تقریب کا انعقاد کیا گیا، جس میں میلادِ مصطفیٰ صلی اللہ علیہ وآلہ وسلم کانفرنس کے ساتھ ساتھ مسجد حضرت عمر فاروقؓ کا شاندار افتتاح بھی کیا گیا افتتاحی تقریب کے مہمان خصوصی ڈپٹی کمشنر ضلع جہلم ویلی سید اشفاق گیلانی۔

ایس پی ضلع جہلم ویلی مرزا زاہد حسین۔سجادہ نشین دربار عالیہ بنی حافظ شریف صاحبزادہ راشد عرفان دانش تھے تقریب میں سجادہ نشین دربار عالیہ سکندریہ ہٹیاں بالا صاحبزادہ پیر سید فیاض کاظمی سابق چیئرمین تعلیمی بورڈ میرپور آزاد کشمیر پروفیسر قاضی محمد ابراہیم چشتی۔

(جاری ہے)

ناظم اعلی مرکزی سیرتِ کمیٹی ضلع جہلم ویلی سید احسان الحسن گیلانی۔معروف صحافی سید اسرارِ ہمدانی معروف ثناء خواں مصطفیٰ جواد شفیق مغل و دیگر نے شرکت کی تقریب میں علمائے کرام، مشائخ عظام، سماجی شخصیات، معززینِ علاقہ، نوجوانوں اور بچوں سمیت عوام کی بڑی تعداد نے شرکت کی۔

اس پرمسرت موقع پر نعت خوانوں نے بارگاہِ رسالت مآبؐ میں نذرانہ? عقیدت پیش کیا، اور علمائے کرام نے سیرتِ طیبہؐ اور خلفائے راشدینؓ کی خدمات پر روشنی ڈالی۔مسجد حضرت عمر فاروقؓ کا افتتاح علاقہ مکینوں کے دیرینہ خواب کی تعبیر ہے، جو اب نہ صرف عبادت کا مرکز بنے گی بلکہ دینی و تعلیمی سرگرمیوں کے لیے بھی استعمال ہو گی۔شرکائے تقریب نے اس عظیم الشان منصوبے پر منتظمین کو مبارکباد دی اور اس نیک قدم کو علاقے کے لیے روحانی و سماجی ترقی کی علامت قرار دیا۔

اس موقع پر مقررین نے کہا کہ اس وقت امت مسلمہ میں انتشار کی وجہ تعلیمات محمدی سے دوری ہے حضرت محمدمصطفی ﷺ نے دین اسلام کی سربلندی کے لیئے بے پناہ جہدوجہد کی آپ ﷺ اور ان کی آل،صحابہ کرام اولیا اللہ ہماری زندگی کے لیئے رول ماڈل ہیں ہم رسول کریم ﷺ کی شان میں گستاخی کی صورت میں اپنی جانیں قربان کرسکتے ہیں مگر پیارے آقا ﷺ کے لائے ہوئے دین پر عمل کرنے کو تیار نہیں۔

ہمارے پیارے رسول ﷺ رحمت للعالمین تھے۔ ہر ایک پر رحمت اور محبت نچھاور کرنے والے۔ سیرت النبی ﷺ ایسے واقعات سے بھری پڑی ہے کہ آپﷺ نے لوگوں کو معاف کیا ہے اس کی سب سے بڑی مثال فتح مکہ کا واقعہ ہے۔ جس میں سرکار دو عالم ﷺ نے بدترین دشمنوں کو معاف کردیا تھاحیات طیبہ ﷺ کا یہ پیغام ہے کہ ہم اُن کی تعلیماتِ عالیہ پر عمل کریں۔ محبت، رحمت، صبر وبرداشت، رواداری، لوگوں کے قصور معاف کرنا، اپنی ذات سے کسی کو تکلیف نہ ہو اسلام۔

اخوت بھائی چارہ روادری کا دین ہے اس موقع پر مسلح افواج پاکستان سے مکمل اظہار یکجہتی کا اظہار کیا گیا مقررین نے کہا کہ پاکستان و کشمیر کا بچہ بچہ مسلح افواج پاکستان کے ساتھ کھڑا ہے تمام مکاتب فکر اتحاد واتفاق کا مظاہرہ کریں اور بھائی چارے کو فروغ دیں اختتامی دعامیں تحریک آزادی کشمیر کی کامیابی فلسطین کے عوام سے اظہار یکجتی،مسلح افواج پاکستان سے یکجہتی کی گئی۔۔آخر میں میزبان محفل حافظ محمد مشتاق چوہدری نے شرکاء محفل سمیت جملہ معززمہمانان گرامی ضلعی انتظامیہ علماء کرام مشائخ عظام عوام علاقہ اورپریس کا خصوصی شکریہ ادا کیا۔