ش*شہزادہ ہیری کی کنگ چارلس کی موت سے قبل ملاقات کیلئے میگھن مارکل سے التجاء

منگل 15 اپریل 2025 20:50

ا*لندن (اُردو پوائنٹ اخبارتازہ ترین - آن لائن۔ 15 اپریل2025ء)برطانوی شاہی خاندان کے منحرف چھوٹے شہزادے ہیری اپنے والد کنگ چارلس سے ملنے کے لیے اہلیہ، امریکی اداکارہ میگھن مارکل سے التجاء کر رہے ہیں۔میڈیا رپورٹ میں دعویٰ کیا گیا ہے کہ شہزادہ ہیری اپنی اہلیہ سے التجاء کر رہے ہیں کہ وہ ان کے والد کے مرنے سے قبل ان سے ملاقات کر لیں۔میڈیا رپورٹس کے مطابق پرنس ہیری اس خوف میں مبتلا ہیں کہ مستقبل میں ان کے ساتھ برطانیہ کے دورے کے دوران کس قسم کا سلوک اختیار کیا جائے گا۔

شاہی خاندان کے ایک اندرونی ذرائع نے اس بارے میں ’ہیٹ ورلڈ‘ سے بات کرتے ہوئے کہا ہے کہ پرنس ہیری مستقبل میں سامنے آنے والے خطرات سے بخوبی واقف ہیں، انہیں اس بات کا بھی اندازہ ہے کہ مستقبل میں جب وہ برطانیہ واپس جائیں گے تو انہیں تنہائی کا سامنا کرنا پڑ سکتا ہے۔

(جاری ہے)

ذرائع کا کہنا ہے کہ یہی وجہ ہے کہ پرنس ہیری اپنی اہلیہ، امریکی اداکارہ میگھن مارکل کو مستقبل میں اپنے لیے آسانیاں پیدا کرنے کے لیے آمادہ کرنے کی کوشش کر رہے ہیں۔

پرنس ہیری کو اندازہ ہے کہ اہلیہ کو برطانیہ کے دورے کے لیے منانا مشکل ہو گا مگر وہ انہیں قائل کر لیں گے۔شاہی خاندان کے اندرونی ذرائع کا کہنا ہے کہ پرنس ہیری اپنی اہلیہ کی جانب سے جذباتی طور پر سہارا ملنے کے خواہش مند ہیں۔میڈیا رپورٹس کے مطابق پرنس ہیری کینسر سے جنگ لڑتے اپنے بیمار والد کنگ چارلس کو اپنے ہونے کا احساس دلانا چاہتے ہیں اور یہ اسی وقت ممکن ہو سکتا ہے کہ جب وہ خود ذاتی طور جا کر انہیں ملیں، چاہے یہ ایک مختصر سا ہی دورہ کیوں نہ ہو۔

شاہی خاندان کے ذرائع کا کہنا ہے کہ بادشاہ اس وقت کینسر کے علاج سے گزر رہے ہیں، پرنس ہیری برطانیہ سفر کے دوران میگھن کو ہر ممکن اپنے ساتھ رکھنا چاہتے ہیں۔دوسری جانب اگر میگھن مارکل شہزادے کے ساتھ نہیں آتیں تو بھی پرنس ہیری برطانیہ ضرور جائیں گے، وہ صرف اپنے والد کے دفتر سے منظوری ملنے کا انتظار کر رہے ہیں۔