میں ایک پوڈکاسٹ میں آنے کے 15 لاکھ روپے لیتا ہوں،رجب بٹ پروموشنل ویڈیوز سے 30 سے 40 لاکھ روپے کمالیتا ہوں،معروف یوٹیوبر

بدھ 16 اپریل 2025 18:31

لاہور(اُردو پوائنٹ اخبارتازہ ترین - آن لائن۔ 16 اپریل2025ء) معروف ٹک ٹاکر اور یوٹیوبر رجب بٹ کسی بھی پوڈ کاسٹ میں انٹرویو دینے کا بھاری معاوضہ لیتے ہیں جسے جان کر آپ کے ہوش اڑ جائیں گے۔اس بات کا انکشاف رجب بٹ نے پوڈکاسٹ میں انٹرویو ایک سوال کا جواب دیتے ہوئے کیا تھا۔جب رجب بٹ سے ان کی آمدنی پوچھی گئی تو ٹک ٹاکر اور یوٹیوبر نے جواب دیا کہ اس کا اندازہ صرف اس بات لگائیں کہ میں ایک پوڈکاسٹ میں آنے کے 15 لاکھ روپے لیتا ہوں۔

(جاری ہے)

رجب بٹ نے بتایا کہ اس کی وجہ یہ ہے کہ عوام بڑی تعداد میں میرا انٹرویو دیکھتے ہیں اور ملینز ویوز ملتے ہیں جس سے پوڈ کاسٹ میزبان کی بھی خوب کمائی ہوتی ہے۔رجب بٹ نے بتایا کہ اس کے علاوہ روزانہ 3 سے 4 پروموشنل ویڈیوز ڈالتا ہوں جس سے میں 30 سے 40 لاکھ روپے کمالیتا ہوں۔یوٹیوبر اور ٹک ٹاکر رجب بٹ نے کہا کہ سوشل میڈیا ایسی جگہ ہے جہاں جتنا چاہو اتنا کماو۔ رجب بٹ نے کہا کہ البتہ میں ٹک ٹاک سے جتنا کماتا ہوں اسے غریبوں میں تقسیم کردیتا ہوں۔