جسٹس علی باقرنجفی نے عہدے کا حلف اٹھا لیا،چیف جسٹس نے حلف لیا

بدھ 16 اپریل 2025 18:36

اسلام آباد (اُردو پوائنٹ اخبارتازہ ترین - آن لائن۔ 16 اپریل2025ء)جسٹس علی باقر نجفی نے سپریم کورٹ آف پاکستان کے جج کے طور پر اپنے عہدے کا حلف اٹھا لیا۔ تقریبِ حلف برداری سپریم کورٹ اسلام آباد میں منعقد ہوئی جہاں چیف جسٹس یحییٰ آفریدی نے ان سے حلف لیا۔

(جاری ہے)

تقریب میں سپریم کورٹ کے ججز، سینئر وکلا اور دیگر اعلیٰ عدالتی حکام نے شرکت کی۔ جسٹس علی باقر نجفی اس سے قبل لاہور ہائی کورٹ میں بطور جج فرائض انجام دے رہے تھے۔ان کی تقرری صدر مملکت کی منظوری کے بعد عمل میں آئی، جس کے بعد وزارت قانون کی جانب سے باضابطہ نوٹیفکیشن جاری کر دیا گیا۔نوٹیفکیشن کے مطابق ان کی تعیناتی آئین کے آرٹیکل 177(1) اور 175A(8) کے تحت کی گئی ہے، جو حلف برداری کی تاریخ سے مؤثر ہو گی۔