بلوچستان میں جاری ترقیاتی منصوبے عوامی فلاح و بہبود کی سمت میں عملی قدم ہیں، وزیر اعلی بلوچستان میر سرفراز بگٹی کی وفاقی وزیر ترقیات و پلاننگ کمیشن احسن اقبال سے بات چیت

جمعہ 18 اپریل 2025 20:52

کوئٹہ (اُردو پوائنٹ اخبارتازہ ترین - آن لائن۔ 18 اپریل2025ء) وفاقی وزیر منصوبہ بندی، ترقی و اصلاحات پروفیسر احسن اقبال جمعہ کے روز کوئٹہ پہنچے جہاں انہوں نے وزیر اعلی بلوچستان میر سرفراز بگٹی سے ملاقات کی ملاقات میں بلوچستان میں جاری ترقیاتی منصوبوں، وسائل کی منصفانہ تقسیم، اور مستقبل کی حکمتِ عملی پر تفصیلی بات چیت و مشاورت کی گئی ملاقات کے دوران کچھی کینال سمیت صوبے میں جاری اہم منصوبوں پر پیش رفت کا جائزہ لیا گیا بات چیت میں اس امر پر اتفاق کیا گیا کہ بلوچستان میں ترقیاتی عمل کو شفاف، پائیدار اور تیز رفتار بنانے کے لیے وفاقی و صوبائی سطح پر قریبی رابطہ ناگزیر ہے اس موقع پر صوبائی وزرا بخت محمد کاکڑ، عاصم کرد گیلو اور پارلیمانی سیکرٹری میر زرین خان مگسی بھی موجود تھے وفاقی وزیر احسن اقبال نے کہا کہ وفاقی حکومت بلوچستان کی ترقی کو اولین ترجیح دیتی ہے اور تمام ممکنہ وسائل بروئے کار لائے جا رہے ہیں تاکہ صوبے میں عوامی فلاح کے منصوبے مثر انداز میں مکمل کیے جا سکیں انہوں نے کہا کہ کچھی کینال جیسے منصوبے نہ صرف زرعی ترقی بلکہ روزگار کے مواقع میں اضافے کا ذریعہ بن رہے ہیں وزیر اعلی بلوچستان میر سرفراز بگٹی نے وفاقی وزیر کے تعاون اور دلچسپی کو سراہتے ہوئے کہا کہ ترقیاتی عمل میں وفاقی شراکت قابلِ تحسین ہے انہوں نے کہا کہ بلوچستان میں جاری منصوبے عوامی فلاح و بہبود کی سمت میں عملی قدم ہیں جن سے صوبے میں معاشی سرگرمیاں تیز ہو رہی ہیں وزیر اعلی نے اس بات پر زور دیا کہ مثر منصوبہ بندی، وسائل کی منصفانہ تقسیم اور گڈ گورننس کے ذریعے ہی بلوچستان کو قومی ترقی کی دوڑ میں آگے لایا جا سکتا ہے ان کا کہنا تھا کہ وفاقی و صوبائی حکومت کی مشترکہ کاوشوں سے صوبے کے مسائل کا دیرپا حل ممکن ہے، اور ہم اس سمت میں سنجیدگی سے پیش قدمی کر رہے ہیں

Facebook Twitter Google + Share on Whatsapp

متعلقہ عنوان :

مزید قومی خبریں