صدر آصف علی زرداری کی حلقہ این اے 213 میں ضمنی الیکشن میں کامیابی پر صبا تالپور کو مبارکباد

جمعہ 18 اپریل 2025 20:50

اسلام آباد (اُردو پوائنٹ اخبارتازہ ترین - این این آئی۔ 18 اپریل2025ء)صدر مملکت آصف علی زرداری نے قومی اسمبلی کے حلقہ این اے 213 میں ضمنی الیکشن میں کامیابی پر صبا تالپور کو مبارکباد دی ہے۔

(جاری ہے)

جمعہ کو ایوان صدر کے پریس ونگ کے مطابق صدر مملکت نے کہا کہ صبا تالپور کی کامیابی حلقہ این اے 213 کے عوام کے پاکستان پیپلز پارٹی پر اعتماد کا مظہر ہے۔ انہوں نے اس امید کا اظہار کیا کہ صبا تالپور پاکستان پیپلز پارٹی کے نظریے کے مطابق اپنے حلقے کے عوام کی توقعات پر پورا اتریں گی۔ صدر مملکت نے کہا کہ کامیاب امیدوار اپنے حلقے کے مسائل کے حل اور عوامی فلاح و بہبود کیلئے کام کریں۔ صدر آصف علی زرداری نے صبا تالپور پر اعتماد کرنے پر حلقہ این اے 213 کے عوام کا شکریہ ادا کیا۔