وزیر ہائوسنگ بلال یاسین کی زیر صدارت رواں سال پھاٹا کی گورننگ باڈی کا پہلا اجلاس

پنجاب ہائوسنگ اینڈ ٹائون پلاننگ ایجنسی،اپنی چھت، اپنا گھر رولز 2024سمیت 20ایجنڈوں کو پیش کیا گیا نئے پھاٹا رولز، ریگولیشنز اور آرڈیننس/ایکٹ میں مجوزہ ترامیم کی کابینہ سے بھی منظوری لی جائے گی‘وزیر ہائوسنگ پنجاب

جمعہ 18 اپریل 2025 21:35

لاہور (اُردو پوائنٹ اخبارتازہ ترین - این این آئی۔ 18 اپریل2025ء) وزیر ہائوسنگ اربن ڈویلپمنٹ اینڈ پبلک ہیلتھ انجینئرنگ پنجاب بلال یاسین کی زیر صدارت رواں سال پھاٹا کی گورننگ باڈی کا پہلا اجلاس ہوا، 101 ویں اجلاس میں سیکرٹری ہائوسنگ کیپٹن (ر) اسداللہ خان ، ڈی جی پھاٹا سکندر ذیشان سمیت دیگر ممبران نے شرکت کی،پنجاب ہائوسنگ اینڈ ٹائون پلاننگ ایجنسی، اپنی چھت ،اپنا گھر رولز 2024سمیت 20ایجنڈوں کو اجلاس میں پیش کیا گیا، اجلاس میں 3مرلہ مفت پلانٹس کی فراہمی کیلئے اپنی زمین،اپنا گھر پروگرام کی منظوری دے دی گئی،پھاٹا لینڈ یوز قوانین 2017کے قوانین میں تبدیلی، ریکوری فیس بارے تجاویز اور پھاٹا کو جدید خطوط پر استوار کرنے کیلئے آئی ٹی بیسڈ اصطلاحات کی منظوری دی گئی،ای فوس،پلس، ورلڈ بینک پراجیکٹس اور لینڈ ریکارڈ کی ڈیجیٹائزیشن کے حوالے سے فوری اقدامات کیے جائیں،اجلاس میں پھاٹا اراضی واگزار کروانے، ریگولرائز کی مد میں معاوضہ لینے کا فیصلہ کیا گیا،علاوہ ازیں افورڈایبل پرائیویٹ ہائوسنگ اسکیموں کے ریگولیشنز کی بھی منظوری دی گئی،پرائیویٹ ڈویلپرز اور پھاٹا مشترکہ طور پر افورڈایبل ہاسنگ پروگرام پر کام کریں گے،پھاٹا کے پرانے انتظامی ڈویژن کی بجائے بورڈ آف ریونیو کے جاری کردہ نئے اضلاع کے مطابق دفتری امور چلانے کی منظوری دی گئی،نئے پھاٹا رولز، ریگولیشنز اور آرڈیننس/ایکٹ میں مجوزہ ترامیم کی کابینہ سے بھی منظوری لی جائے گی، وزیر ہائوسنگ اینڈ اربن ڈویلپمنٹ بلال یاسین نے کہا کہ وزیر اعلی پنجاب کی ہدایت پر غریب خاندانوں کو مفت رہائشی سہولتیں فراہم کرنے کیلئے ہر ممکن وسائل فراہم کیے جارہے ہیں،اداروں کی کارکردگی کو بہتر بنانے کیلئے قوانین میں تبدیلی و ترامیم ناگزیر مثبت عمل ہے۔