آتھیا شیٹی اور کے ایل راہول کی نومولود بیٹی کیساتھ پہلی تصویر؛ نام بھی بتادیا

ہفتہ 19 اپریل 2025 18:11

ممبئی (اُردو پوائنٹ اخبارتازہ ترین - آن لائن۔ 19 اپریل2025ء) بھارتی فلم انڈسٹری کے ایکشن اسٹار سنیل شیٹھی 24 مارچ کو نانا بن گئے تھے لیکن ان کی بیٹی آتھیا شیٹی اور بھارتی کرکٹر کے ایل راہول نے میڈیا کو اپنی بیٹی کی جھلک نہیں دکھائی تھی۔ننھی پری کے مما پاپا نے اپنی بیٹی کا تعارف کرانے کے لیے سماجی رابطے کی ویب سائٹ پر ایک خاص دن کا انتخاب کیا۔

یہ دن ہے بھارتی کرکٹر کے ایل راہول کی 33 ویں سالگرہ، اس دن کو خاص بنانے کے لیے آتھیا شیٹھی نے ایک تصویر شیئر کی۔

(جاری ہے)

تصویر میں بابا کے ایل راہول اپنی بیٹی کو گود میں اٹھائے اور سینے سے لگائے ہوئے ہیں جب کہ ساتھ ہی آتھیا شیٹھی کھڑی اپنی بیٹی کو دیکھ رہی ہیں۔تصویر میں بیٹی کا چہرہ تو سامنے نہیں لیکن جوڑے نے پہلی بار اپنی بیٹی کے نام سے آگاہ کیا۔تصویر کے کیپشن میں لکھا تھا کہ ہماری بے بی گرل، ہمارے لیے ہمارا سب کچھ ۔۔ ایواراہ ۔۔ جس کے معنی ہیں خدا کا تحفہ۔یاد رہے آتھیا شیٹھی بھارتی اداکار سنیل شیٹھی کی بیٹی ہیں اور ان کی شادی بھارتی کرکٹر کے ایل راہول کے ساتھ جنوری 2023 میں ہوئی تھی۔