Live Updates

انجری سے واپسی کے بعد بہت پرجوش ہوں، صائم ایوب

بابر اعظم کیساتھ بیٹنگ کرنے کا بہت مزہ آتا ہے، اوپنر بیٹر پشاور زلمی

ہفتہ 19 اپریل 2025 18:48

انجری سے واپسی کے بعد بہت پرجوش ہوں، صائم ایوب

اسلام آباد(اُردو پوائنٹ اخبارتازہ ترین - آن لائن۔ 19 اپریل2025ء) پاکستان کے اوپنر بیٹر صائم ایوب نے کہا ہے کہ انجری سے واپسی کے بعد بہت پرجوش ہوں، پی ایس ایل میں پشاور زلمی کیلئے اچھی کارکردگی دکھانے کے لیے پرعزم ہوں،بابر اعظم کے ساتھ بیٹنگ کرنے کا بہت مزہ آتا ہے۔ پشاور زلمی کے سٹار بیٹر صائم ایوب نے پشاور زلمی ٹی وی کو خصوصی انٹرویو دیتے ہوے کہا کہ انجری سے واپسی کے بعد پوری طرح انجوائے کر رہا ہوں۔

(جاری ہے)

گراؤنڈ میں واپسی کھیل کے لمحات ، کھلاڑیوں سے ملاقات اور کوچز کے ساتھ گفتگو یہ سب پھر سے کر کے مزہ ا رہا ہے، بابر اعظم کے ساتھ بیٹنگ کرنے کا بہت مزہ آتا ہے باقی کھلاڑیوں کے ساتھ بھی اچھی انڈرسٹینڈنگ ہے اور تمام کھلاڑیوں کے ساتھ پلان کے مطابق بیٹنگ کرتے ہیں۔انہوں نتے کہا کہ انجری سے واپسی کے بعد بہت پرجوش ہوں اور پی ایس ایل 10 میں پشاور زلمی کے لیے اچھی کارکردگی دکھانے کے لیے پرعزم ہوں۔ پورا سال پاکستان سپر لیگ کا انتظار رہتا ہے اور خصوصی طور پر پشاور زلمی جیسی فرنچائز میں کھیلنے سے بہت مزہ ا رہا ہے۔