سندھ حکومت کا(آج) تعطیل کا اعلان

ایسٹر کے موقع پر تمام محکموں میں چھٹی کا نوٹیفکیشن جاری کردیا گیا

اتوار 20 اپریل 2025 19:45

کراچی(اُردو پوائنٹ اخبارتازہ ترین - این این آئی۔ 20 اپریل2025ء)سندھ حکومت نے ایسٹر کے موقع پرآج(پیر)21اپریل کو تعطیل کا اعلان کردیا۔سندھ کی صوبائی حکومت کی جانب سے ایسٹر کی تقریبات کے سلسلے میں تعطیلات کا اعلان کردیا گیا ہے۔سروسز، جنرل ایڈمنسٹریشن اور کوآرڈینیشن ڈیپارٹمنٹ(ایس جی اے اینڈ سی ڈی)کی طرف سے ایک باضابطہ نوٹیفکیشن جاری کیا گیا جس میں تمام متعلقہ محکموں کیلئے چھٹی کی تصدیق کی گئی۔

تعطیلات کے علاوہ سندھ حکومت نے مسیحی سرکاری ملازمین کیلئے پیشگی تنخواہوں کا بھی اعلان کیا تھا۔صوبے بھر کی مسیحی برادری نے اس اعلان کا پرتپاک خیر مقدم کیا ہے۔سندھ اسمبلی کے ڈپٹی اسپیکر انتھونی نوید نے تعطیلات اور پیشگی تنخواہ کی تقسیم پر وزیراعلی کا شکریہ ادا کیا۔

(جاری ہے)

انہوں نے اسے شمولیت اور احترام کا ایک سوچا سمجھا اشارہ قرار دیا۔

واضح رہے کہ پاکستان کی 2023 کی مردم شماری کی بنیاد پر مسیحی پاکستان کی آبادی کا تقریبا 1.37 فیصد ہیں اور تقریبا 241 ملین کی آبادی میں مسیحیوں کی تعداد 3.3 ملین سے زیادہ ہے۔چرچ کے رہنمائوں کا خیال ہے کہ یہ تعداد کم ہے، اندازے کے مطابق عیسائیوں کی آبادی 50 لاکھ تک ہوسکتی ہے، جس میں کم از کم 3.5 ملین صرف صوبہ پنجاب میں آباد ہیں جبکہ سندھ اور خیبر پختونخوا(کے پی)صوبوں میں بھی قابل ذکر مسیحی آبادی ہے۔