بھکر ،محکمہ تعلیم سکول ایجوکیشن کے ،،ٹیچرز سپورٹس گالا،، کے دوسرے مرحلہ میں کھیلوں کے مختلف مقابلے جاری ہیں

بھکر (اُردو پوائنٹ اخبارتازہ ترین - اے پی پی۔ 22 اپریل2025ء) محکمہ تعلیم سکول ایجوکیشن بھکر کے ،،ٹیچرز سپورٹس گالا،، کے دوسرے مرحلہ میں ضلعی سطح پر خواتین اساتذہ کے درمیان کھیلوں کے مختلف مقابلہ جات کی افتتاحی تقریب کا گورنمنٹ گرلز ہائی سکول منڈی ٹاؤن میں انعقاد ہوا۔سی ای او ایجوکیشن محمد شبیر صابری اور ڈی ای او ایلمنٹری زنانہ نگہت جمیل مہمان خصوصی تھیں ۔

تفصیلات کے مطابق وزیر تعلیم رانا سکندر حیات کے اعلان کے مطابق ضلع بھکر میں بھی ،،ٹیچرز سپورٹس گالا،، جاری ہے۔افتتاحی تقریب کے لیئے شاندار انتظامات کیئے گئے تھے سرکاری سکولوں کی خواتین اساتذہ کے درمیان اتھلیٹکس کے مختلف مقابلے ہوئے۔اس موقع پر خطاب کرتے ہوئےسی ای او ایجوکیشن محمد شبیر احمد صابری نے کہا کے اساتذہ کے لیئے سرکاری سطح پر کھیلوں کے مقابلوں کے انعقاد ناصرف اساتذہ کی صحت پر اچھا اثر ڈالے گا بلکہ اس سے اساتذہ کی نفسیاتی صحت بھی بہتر ہوگی ۔

(جاری ہے)

سی ای او ایجوکیشن کا کہنا تھا کہ موجودہ حکومت شعبہ تعلیم پر بھرپور توجہ دے رہی ہے اور اس کی بدولت جلد سرکاری تعلیمی ادارے ہر لحاظ سے والدین کی پہلی ترجیح ہوں گے، انہوں نے کہا کے اساتذہ کو چاہیے کہ ہر ملنے والے ٹاسک کو فوری بروقت اچھے انداز سے مکمل کریں انہوں نے تقریب کے بہترین انتظامات کرنے پر گرلز ہائی سکول منڈی ٹاؤن کی ہیڈ مسٹریس یاسیمن خالد کی کارکردگی کو سراہا، اس موقع پر گفتگو کرتے ہوئے ڈی ای او ایلمنٹری زنانہ نگہت جمیل نے کہا کے کھیلوں کے مقابلوں کا انعقاد اور اساتذہ کی ان مقابلوں میں بھرپور دلچسپی اس بات کی شاہد ہے کہ سرکاری اداروں کے اساتذہ تعمیری سوچ رکھتے ہیں اُن کا کہنا تھا کہ حکومت کی شعبہ تعلیم میں سرکاری سطح پر بہتری لانے کے لیئے کی جانے والی تمام کوششں اُسی صورت کارگر ثابت ہوں گی جب اساتذہ بھرپور انداز میں اپنی کارکردگی کا مظاہرہ کریں گے انہوں نے کھیلوں کے مقابلوں کے انعقاد کے سلسلہ میں بہترین انداز میں کردار ادا کرنے پر تمام ڈپٹی ڈی ایزوز تمام اسٹنٹ ایجوکیشن آفیسرز کو خراج تحسین پیش کیا اُن کا کہنا تھا کہ ٹیم ورک کے ذرئع ہم ہر ٹارگٹ کو بروقت احسن انداز سے مکمل کرسکتے ہیں۔

\378