پاکستان کرکٹ بورڈ نے قومی خواتین کرکٹ ٹیم کے سکلز اینڈ فٹنس کیمپ کے شیڈول کا اعلان کردیا

جمعہ 4 جولائی 2025 21:26

لاہور(اُردو پوائنٹ اخبارتازہ ترین - آن لائن۔ 04 جولائی2025ء)پاکستان کرکٹ بورڈ نے قومی خواتین کرکٹ ٹیم کے سکلز اینڈ فٹنس کیمپ کے شیڈول کا اعلان کر دیا ہے۔ کیمپ میں 24 کھلاڑیوں کو طلب کیا گیا ہے، جو 7 جولائی سے 2 اگست تک کراچی میں جاری رہے گا۔ترجمان پی سی بی کے مطابق 27 روزہ کیمپ حنیف محمد ہائی پرفارمنس سنٹر اور اوول گراؤنڈ کراچی میں منعقد کیا جائے گا، جس کا مقصد کھلاڑیوں کی مہارت اور فٹنس کو بہتر بنانا ہے۔

(جاری ہے)

آئرلینڈ کے دورے کے لیے 15 رکنی اسکواڈ کا انتخاب سلیکشن کمیٹی کرے گی، جس کا پری ٹور کیمپ 28 جولائی سے 2 اگست تک کراچی میں ہو گا۔ منتخب کھلاڑی بعد ازاں 3 اگست کو آئرلینڈ روانہ ہوں گی۔پاکستان اور آئرلینڈ کے درمیان تین ٹی ٹوئنٹی میچز کی سیریز شیڈول ہے، جو کلون ٹرف، آئرلینڈ میں کھیلے جائیں گے۔ یہ سیریز پاکستان ویمنز ٹیم کے لیے اہم بین الاقوامی مصروفیات کا حصہ ہو گی۔پی سی بی کا کہنا ہے کہ کیمپ کے دوران کھلاڑیوں کی فٹنس، فیلڈنگ، بیٹنگ اور بولنگ پر خصوصی توجہ دی جائے گی، تاکہ آئرلینڈ کے خلاف بہترین کارکردگی کا مظاہرہ کیا جا سکے۔