پاکستان نے ایشین یوتھ گرلز نیٹ بال چیمپئن شپ جیت لی

فائنل میں پاکستان نے مالدیپ کو کسی کوارٹر میں برتری نہ لینے دی ، 35 کے مقابلے میں 60 گولز سے کامیابی حاصل کی

ذیشان مہتاب جمعہ 4 جولائی 2025 12:10

پاکستان نے ایشین یوتھ گرلز نیٹ بال چیمپئن شپ جیت لی

سیول (اردو پوائنٹ تازہ ترین اخبار ۔ 4 جولائی 2025ء ) پاکستان نے جنوبی کوریا میں جاری ایشین یوتھ گرلز نیٹ بال چیمپئن شپ کی پلیٹ ڈویژن کپ کا فائنل جیت لیا۔

پاکستان نے فائنل میں مالدیپ کے خلاف 35 کے مقابلے میں 60 گولز سے کامیابی حاصل کی۔

واضح رہے کہ پاکستان چیمپئن شپ کے پلیٹ ڈویژن کپ میں ناقابل شکست رہا۔ پاکستان نے فائنل سمیت مسلسل سات میچز میں کامیابی حاصل کی اور فائنل میں مالدیپ کو کسی کوارٹر میں برتری نہ لینے دی۔

(جاری ہے)

ایشین یوتھ گرلز نیٹ بال چیمپئن شپ گیارہ ٹیموں کے درمیان کھیلا گیا اور انہیں دو گروپس میں تقسیم کیا گیا تھا، گروپ اے کو گولڈ کپ ڈویژن کا درجہ دیا گیا۔

گروپ اے میں ملائیشیا، سنگاپور، سری لنکا، ہانگ کانگ اور بھارت جب کہ گروپ بی میں چائنیز تائپے، جاپان، کوریا، پاکستان، مالدیپ اور سعودی عرب کی ٹیمیں شامل تھیں۔