آئی پی ایل، سن رائزرز حیدر آباد اور ممبئی انڈینز کی ٹیموں کے درمیان 41واں میچ کل کھیلا جائے گا

منگل 22 اپریل 2025 20:12

نئی دہلی(اُردو پوائنٹ اخبارتازہ ترین - آن لائن۔ 22 اپریل2025ء) بورڈ آف کنٹرول برائے کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں،لیگ میں کل (بدھ کو)مزید ایک میچ کھیلا جائے گا ۔لیگ کا41واں میچ ، سن رائزرز حیدر آباد اور ممبئی انڈینز کی ٹیموں کے درمیان راجیو گاندھی انٹرنیشنل سٹیڈیم، حیدرآباد میں کھیلا جائے گا ۔

سن رائزرز حیدر آبادکی ٹیم کو آسٹریلوی مایہ ناز آل رائونڈر پیٹ کمنز لیڈ کریں گے جبکہ ممبئی انڈینز کو مایہ ناز آل رائونڈر ہاردک پانڈیا لیڈ کریں گے ۔لیگ کے 18ویں ایڈیشن میں شامل 10 ٹیموں کیدرمیان فائنل سمیت مجموعی طور پر74میچ کھیلے جائیں گے جو بھارت کے مختلف مقامات پر ہوں گے ،ان میں احمد آباد،بنگلورو ،چنائی ،نئی دہلی،دھرم شالہ ،وشاکاپٹنم ،گوہاٹی،حیدرآباد،جے پور،کولکتہ،لکھنو،موہالی ، ممبئی اور ملاں پور شامل ہیں۔

(جاری ہے)

لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے ۔لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھن سپر جائنٹس شامل ہیں۔واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔