خیبرپختونخوا کابینہ کا 31واں اجلاس، 13نکاتی ایجنڈا جاری

خیبرپختونخوا چیریٹی ایکٹ 2019ء ترمیم کے مسودے کی منظوری ،مغربی پاکستان لینڈ ریونیو رولز 1967کے تحت رولز کی تیاری ایجنڈے کا حصہ

منگل 22 اپریل 2025 22:05

پشاور(اُردو پوائنٹ اخبارتازہ ترین - این این آئی۔ 22 اپریل2025ء)خیبرپختونخوا کابینہ کے 31ویں اجلاس کیلئے 13نکاتی ایجنڈا جاری کر دیا گیا۔کابینہ اجلاس 24اپریل کو وزیراعلی علی امین گنڈا پور کے زیر صدارت ہوگا، خیبرپختونخوا چیریٹی ایکٹ 2019ء ترمیم کے مسودے کی منظوری ایجنڈے میں شامل، مغربی پاکستان لینڈ ریونیو رولز 1967کے تحت رولز کی تیاری ایجنڈے کا حصہ ہے۔

اعلامیہ کے مطابق اجلاس میں صوبائی محتسب کی سفارشات کے خلاف نمائندگی پر غور ہوگا، انفارمیشن ٹیکنالوجی بورڈ ممبران کی نامزدگی کی منظوری بھی لی جائے گی۔

(جاری ہے)

محکمہ صنعت کے ڈھائی کروڑ روپے کے باقی فنڈز، زرعی تحقیقاتی اصلاحات بل 2025ء کی منظوری کابینہ اجلاس میں کی جائے گی، ایجنڈے میں میڈیکل ٹیچنگ انسٹی ٹیوشن اپیلٹ ٹریبونل رولز 2020میں ترمیم کی منظوری بھی شامل ہے۔

بی آر ٹی کے لئے اضافی فنڈز کی فراہمی کی منظوری بھی ایجنڈے کا حصہ ہے، ڈبلیو ایس ایس سی ہری پور کے بورڈ آف ڈائریکٹرز ممبران کی منظوری بھی لی جائے گی۔اجلاس میں انسداد دہشت گردی عدالت بنوں اور ڈگر کے لئے دو گاڑیوں کی خریداری کی منظوری بھی لی جائے گی، سوشل ویلفیئر، خصوصی تعلیم اور خواتین کی بہبود کے شعبوں کے قواعد میں ترمیم بھی ایجنڈے کا حصہ ہے۔