بھارت نے سینٹرل ایشین والی بال چیمپین شپ کیلے انٹریز بھجوا دی

بدھ 23 اپریل 2025 12:25

اسلام آباد(اُردو پوائنٹ اخبارتازہ ترین - این این آئی۔ 23 اپریل2025ء)آئندہ ماہ اسلام آباد میں کھیلی جانیوالی سینٹرل ایشین والی بال چیمپین شپ میں شرکت کیلے بھارت نے بھی اپنی انٹریز بھجوا دی۔

(جاری ہے)

پاکستان والی بال فیڈریشن کے چیئرمین چوہدری محمد یعقوب نے بتایا کہ 28 مئی سے 4 جون تک لیاقت جمنازیم اسلام آباد میں ہونیوالے میگا ایونٹ میں شرکت کیلے بھارت نے 30ناموں کی لسٹ فیڈریشن کو بھجوای ہے جس پر ہم نے انڈین والی بال فیڈریشن کو پاکستان کے ویزوں کیلے پاکستان ہائی کمیشن کو جلد از جلد درخواست دینے کی ہدایت کی ہے۔

انہوں نے بتایا کہ ہم نے بھارتی دستے کے نام پاکستان ہائی کمیشن نئی دہلی کو بھی بھیج دیے ہیں اور متعلقہ حکام سے درخواست کی ہے کہ مہمان کھلاڑیوں کو ویزا سہولت فراہم کی جائے تاکہ وہ وسطی ایشیائی والی بال لیگ میں شرکت کر سکیں۔ چوہدری یعقوب نے بتایا کہ وسطی ایشیا کے دیگر ممالک میں ایران، کرغزستان، ترکمانستان، ازبکستان، سری لنکا سمیت دیگر ٹیمیں شرکت کرے گی۔