حرمین کے آئمہ و خطبا کا کوئی سوشل میڈیا اکائونٹ نہیں،ادارہ امور الحرمین

آئمہ و خطبا کا نام استعمال کرنے والوں کے خلاف سائبر کرائم سے رجوع کیا جائے گا ،بیان

بدھ 23 اپریل 2025 12:35

ریاض(اُردو پوائنٹ اخبارتازہ ترین - این این آئی۔ 23 اپریل2025ء)سعودی عرب کے ادارہ برائے امور الحرمین نے کہا ہے کہ حرمین شریفین کے آئمہ و خطبا کیکوئی سوشل میڈیا اکائونٹس نہیں ۔

(جاری ہے)

عرب ٹی وی کے مطابق ادارے کے دینی امور کے ترجمان شیخ عبداللہ بن حمد الصولی نے گزشتہ روز فرضی اور جعلی اکائونٹس کے حوالے سے خبردار کیا جو اعلی شخصیات کے ویڈیو کلپ پر مصنوعی ذہانت کے ذریعے آڈیو کو ایڈٹ کر کے یہ ظاہر کرتے ہیں کہ یہ وڈیو کلپ اہم شخصیات کے ہیں۔

انہوں نے کہا کہ جو مواد ادارہ حرمین کی جانب سے سرکاری طور پر جاری نہیں ہوا ہو وہ آئمہ و خطبا حرمین کا نہیں ہوتا بلکہ جعل سازی کی گئی ہوتی ہے اس لیے ایسی چیزوں سے خبردار رہیں۔انہوں نے کہا کہ ادارے کی جانب سے آئمہ و خطبا کا نام استعمال کرنے والوں کے خلاف سائبر کرائم سے رجوع کیا جائے گا تاکہ ان کے خلاف کارروائی کی جا سکے۔