Live Updates

کوئٹہ گلیڈی ایٹرز کا سپنر عثمان طارق کا بولنگ ایکشن ٹیسٹ کرانے کا فیصلہ

بولنگ ایکشن آئندہ چند روز میں لمز بائیو مکینک لیب سے کرائے جانے کا امکان

ذیشان مہتاب جمعرات 24 اپریل 2025 13:09

کوئٹہ گلیڈی ایٹرز کا سپنر عثمان طارق کا بولنگ ایکشن ٹیسٹ کرانے کا فیصلہ

لاہور (اردو پوائنٹ تازہ ترین اخبار ۔ 24 اپریل 2025ء) کوئٹہ گلیڈی ایٹرز نے سپنر عثمان طارق کا بولنگ ایکشن ٹیسٹ کرانے کا فیصلہ کر لیا۔

ذرائع کے مطابق عثمان طارق کا ایکشن آئی سی سی سے منظور شدہ لیب سے کرایا جائے گا، عثمان طارق کا بولنگ ایکشن آئندہ چند روز میں لمز بائیو مکینک لیب سے کرائے جانے کا امکان ہے۔

(جاری ہے)

کوئٹہ گلیڈی ایٹرز مینجمنٹ بولنگ ایکشن کلیئر ہونے تک عثمان طارق کو سکواڈ میں برقرار رکھنا چاہتی ہے، کوئٹہ گلیڈی ایٹرز مینجمنٹ مسٹری سپنر کے کرکٹ کیریئر کو رسک میں نہیں ڈالنا چاہتی، عثمان طارق نیٹس میں کوچنگ سٹاف کے ساتھ اپنے بولنگ ایکشن پر کام کر رہے ہیں۔

ذرائع کے مطابق عثمان طارق کا بولنگ ایکشن 14 اپریل کو لاہور قلندرز کیخلاف میچ کے دوران مشکوک قرار دیا گیا تھا، آن فیلڈ امپائر احسن رضا اور کرس براؤن نے عثمان طارق کا ایکشن رپورٹ کیا تھا۔

قوانین کے مطابق عثمان طارق کو ٹورنامنٹ میں مزید بولنگ کی اجازت ہے، دوبارہ بولنگ ایکشن رپورٹ ہوا تو عثمان طارق کو بولنگ سے روک دیا جائے گا، عثمان طارق کا پی ایس ایل کے گزشتہ سیزن میں بھی بولنگ ایکشن مشکوک قرار دیا گیا تھا۔