وزیر اعلی مریم نواز شریف کی سمبڑیال میں رکن صوبائی اسمبلی چوہدری ارشد وڑائچ مرحوم کی رہائش گاہ آمد

وزیراعلی مریم نواز شریف کی مرحوم ارشد جاویدوڑائچ کے ایصالِ ثواب کیلئے فاتحہ خوانی، سوگوار خاندان کیلئے صبر جمیل کی دعا ×چوہدری ارشد وڑائچ مرحوم شرافت کی سیاست کا پیکر تھے،ان کی سیاسی وسماجی خدمات کو تادیر یاد رکھا جائے گا:مریم نواز شریف

جمعہ 25 اپریل 2025 18:10

لاہور (اُردو پوائنٹ اخبارتازہ ترین - آن لائن۔ 25 اپریل2025ء) وزیر اعلی6 پنجاب مریم نواز شریف سمبڑیال میں رکن صوبائی اسمبلی چوہدری ارشد وڑائچ مرحوم کی رہائش گاہ گئیں- وزیراعلی مریم نوازشریف نے مرحوم چوہدری ارشد وڑائچ کی بیٹیوں حنا ارشد وڑائچ اور زینا مصطفیٰ وڑائچ سے تعزیت کی-وزیراعلی مریم نواز شریف نے مرحوم ارشد جاویدوڑائچ کے ایصالِ ثواب کیلئے فاتحہ خوانی کی اور سوگوار خاندان کیلئے صبر جمیل کی دعا کی-وزیراعلی مریم نوازشریف نے اس موقع پر گفتگو کرتے ہوئے کہاکہ چوہدری ارشد وڑائچ مرحوم شرافت کی سیاست کا پیکر تھے۔

(جاری ہے)

چوہدری ارشد جاوید وڑائچ کی سیاسی وسماجی خدمات کو تادیر یاد رکھا جائے گا-اس موقع پر سینئر وزیر مریم اورنگزیب، رکن صوبائی اسمبلی منشاء اللہ بٹ اور چیف سیکرٹری بھی موجود تھے۔