آئی جی کی ایس ایس پی سکیورٹی اور چیف ٹریفک آفیسر سے میٹنگ

موجودہ سکیورٹی صورتحال، ٹریفک نظم و نسق، عوامی سہولت و دیگر اہم انتظامی معاملات پر تبادلہ خیال سکیورٹی اٴْمور میں پیشہ ورانہ مہارت کو یقینی بنانے اور عوام دوست ٹریفک نظام کو مزید مؤثر کرنے کی ہدایت

جمعہ 25 اپریل 2025 19:20

اسلام آباد(اُردو پوائنٹ اخبارتازہ ترین - این این آئی۔ 25 اپریل2025ء)آئی جی اسلام آباد سید علی ناصر رضوی نے ایس ایس پی سکیورٹی اور چیف ٹریفک آفیسر سے میٹنگ میں موجودہ سکیورٹی صورت حال، ٹریفک نظم و نسق، عوامی سہولت اور دیگر اہم انتظامی معاملات پر تفصیلی تبادلہ خیال کیا گیا،آئی جی اسلام آباد نے سکیورٹی اٴْمور میں پیشہ ورانہ مہارت کو یقینی بنانے اور عوام دوست ٹریفک نظام کو مزید مؤثر کرنے کی ہدایات جاری کیں۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی نے ایس ایس پی سکیورٹی محمد سرفراز ورک اور چیف ٹریفک آفیسر اسلام آباد کیپٹن (ر) سید ذیشان حیدر سے رات گئے اہم میٹنگ کی ،میٹنگ میں موجودہ سکیورٹی صورتِ حال، ٹریفک نظم و نسق، عوامی سہولت اور دیگر اہم انتظامی معاملات پر تفصیلی تبادلہ خیال کیا گیا،آئی جی اسلام آباد نے سکیورٹی اٴْمور میں ذمہ داری سمیت پیشہ ورانہ مہارت کو یقینی بنانے اور عوام دوست ٹریفک نظام کو مزید مؤثر کرنے کی ہدایات جاری کیں، اس موقع پر انہوں نے ریڈ زون کے انٹری پوائنٹس پر چیک پڑتال کے انتظامات کو مزید بہتر کرنے سمیت ریڈ زون میں واقع اہم اداروں ،دفاتر اور سفارت خانو ں کی سکیورٹی کو یقینی بنانے کے لئے ہدایات جاری کیں،انہوں نے کہا کہ شہر کے داخلی اور خارجی راستوں سمیت پورے وفاقی دارالحکومت کی سرویلنس سیف سٹی کیمروں کے ذریعے یقینی بنائی جائے ،اسی کے ساتھ ٹریفک انتظامات کے حوالے سے کیے گئے اقدامات کا خصوصی جائزہ بھی لیا گیااور اسلام آباد کے شہریوں کو حادثات سے محفوظ رکھنے ، روڈ پر نظم و ضبط کو قائم کرنے،ٹریفک قوانین پر عملدرآمد کو یقینی بنانے اور ٹریفک قوانین خصوصاً نو پارکنگ،تیز رفتاری اور تجاوزات سمیت سنگین ٹریفک قوانین کی خلاف ورزی کرنے والوں کے خلاف قانونی کارروائی کو مزید سخت اور موثر بنانے کیلئے خصوصی ہدایات جاری کی ،انہوں نے مزید کہا کہ شہریوں کی جان و مال کے تحفظ کو یقینی بناتے ہوئے وفاقی دارالحکومت میں امن و امان کے قیام سمیت مربوط ٹریفک کا نظام اسلام آباد پولیس کی اولین ترجیحات میں شامل ہے۔