مشہور بھارتی نیٹ فلکس سیریز ہیرا منڈی کی اداکارہ شرمین سیگل کے ہاں پہلے بچے کی آمد متوقع

ہفتہ 26 اپریل 2025 11:15

ممبئی(اُردو پوائنٹ اخبارتازہ ترین - این این آئی۔ 26 اپریل2025ء) مشہور بھارتی نیٹ فلکس سیریز ہیرا منڈی کی اداکارہ شرمین سیگل کے ہاں پہلے بچے کی آمد متوقع ہے۔شرمین نے سال 2023 میں بزنس مین امان مہتا کے ساتھ شادی کی تھی۔بھارتی میڈیا کی رپورٹس میں دعویٰ کیا گیا ہے کہ شرمین سیگل جلد ہی ماں بننے والی ہیں۔

(جاری ہے)

دوسری جانب بھارتی صحافی نے بھی دعویٰ کیا ہے کہ فلمساز دیپک سیگل اور بیلا بھنسالی سیگل کی بیٹی شرمین سیگل اور ان کے شوہر امان مہتا جلد والدین بننے والے ہیں۔صحافی نے کہاکہ اداکارہ بظاہر حاملہ ہیں اور ان کے یہاں کسی بھی وقت بچے کی آمد متوقع ہے اور یہی وجہ ہے کہ احمد آباد کی رہائشی شرمین ممکنہ طور پر اپنی ڈیلیوری کیلیے ممبئی میں موجود ہیں۔