وزیراعلی پنجاب سے رکن صوبائی اسمبلی ملک نوشیر خان انجم لنگڑیال کی ملاقات، ملتان تا وہاڑی روڈ پراجیکٹ کے آغاز پر شکریہ ادا کیا

ہفتہ 26 اپریل 2025 23:10

لاہور (اُردو پوائنٹ اخبارتازہ ترین - اے پی پی۔ 26 اپریل2025ء) وزیراعلی پنجاب مریم نواز شریف سے رکن صوبائی اسمبلی ملک نوشیر خان انجم لنگڑیال نے ملاقات کی جس میں وزیراعلی مریم نوازشریف کے عوام دوست اقدامات کو خراج تحسین پیش کیاگیا-رکن صوبائی اسمبلی ملک نوشیر خان انجم لنگڑیال نے ملتان، وہاڑی روڈ پراجیکٹ کے آغاز پر وزیراعلی مریم نوازشریف کا شکریہ ادا کیا۔

(جاری ہے)

وزیراعلی مریم نوازشریف نے اس موقع پر گفتگو کرتے ہوئے کہاکہ مسلم لیگ (ن)نے ہر دور میں عوام کیلئے بہت سے پراجیکٹس شروع کئے، حکومت پنجاب کے موثر اور پائیدار اقدامات کی بدولت کسان کیلئے ترقی وخوشحالی کے راستے کھل رہے ہیں، مریضوں کو مفت ادویات کی فراہمی کا وعدہ ہر صورت پورا کیا جائے گا۔ملک نوشیر خان انجم لنگڑیال نے کہاکہ ملتان ،وہاڑی روڈ کی تکمیل سے چار اضلاع میں بسنے والے لاکھوں عوام مستفید ہونگے،حکومت پنجاب کے ہر پراجیکٹ کی تکمیل سے عوامی مسائل حل ہوں گے۔انہوں نے کہا کہ وزیراعلی مریم نوازشریف کا پنجاب کو فلاحی ریاست میں تبدیل کرنے کا عزم قابل تحسین ہے جبکہ وزیراعلی کی طرف سے ویٹ فارمر سپورٹ پروگرام شاندار اقدام ہے۔