مندرہ ،گھر میں چوری اور نقب زنی کی واردات کا ڈراپ سین ،محلے دار چور نکلا ،24 لاکھ برآمد

اتوار 27 اپریل 2025 18:25

راولپنڈی(اُردو پوائنٹ اخبارتازہ ترین - این این آئی۔ 27 اپریل2025ء)مندرہ کے علاقہ میں گھر میں چوری اور نقب زنی کی واردات کا ڈراپ سین ہوگیا، محلے دار چور نکلا جس سے 24 لاکھ 80 ہزار روپے برآمدکرلئے گئے۔

(جاری ہے)

تفصیلات کے مطابق مندرہ کے علاقہ میں گھر میں چوری اور نقب زنی کی واردات کا ڈراپ سین ہو گیا، محلے دار ہی چور نکلا،ملزم حسن علی نے گھر والوں کی غیر موجودگی میں واردات کی تھی،ملزم سے 24 لاکھ 80 ہزار روپے برآمدہوئے، مندرہ پولیس نے ہیومین انٹیلی جینس سمیت تمام ذرائع بروئے کار لاتے ہوئے ملزم کو گرفتار کر کے رقم برآمد کر لی۔

ایس پی صدر محمد نبیل کھوکھر نے کہاکہ ملزم کو ٹھوس شواہد کے ساتھ چالان عدالت کیا جائے گا،شہریوں کو جان و مال پر حملہ کرنے والے افراد قانون کی گرفت سے نہیں بچ سکتے۔