ریس کورس پولیس کی کارروائی،آتش بازی کا سامان لے کر جانیوالا ملزم گرفتار

سامان آتش بازی برآمد، ملزم کے زیر استعمال موٹر سائیکل بھی قبضہ پولیس میں لیا گیا

اتوار 27 اپریل 2025 18:25

راولپنڈی(اُردو پوائنٹ اخبارتازہ ترین - این این آئی۔ 27 اپریل2025ء) ریس کورس پولیس نے آتش بازی کا سامان لے کر جانے والا ملزم گرفتارکرکے سامان آتش بازی برآمدکرلیا، ملزم کے زیر استعمال موٹر سائیکل بھی قبضہ پولیس میں لیا گیا۔

(جاری ہے)

تفصیلات کے مطابق ریس کورس پولیس نے کارروائی کرتے ہوئے آتش بازی کا سامان لے کر جانے والے ملزم نوید خان کو گرفتار کرلیا،ملزم سے 30انار،15سنو فلاس ،09 چائنہ پٹی سمیت دیگر سامان آتش بازی برآمد ہوا،ملزم کے زیر استعمال موٹر سائیکل بھی قبضہ پولیس میں لیا گیا۔

ایس پی پوٹھوہار طلحہ ولی نے کہاکہ آتش بازی کے ذریعے شہریوں کی جانیں خطرے میں ڈالنے والے قانون کی گرفت سے نہیں بچ سکتے، آتش بازی کا سامان فروخت کرنے اور آتش بازی کرنے والوں کے خلاف کارروائیاں جاری رہیں گی۔