ن*پنجاب کونسل آف آرٹس فیصل آباد ڈویژن میں3 روزہ لائلپور آرٹ فیسٹیول کا انعقاد

اتوار 27 اپریل 2025 20:15

d فیصل آباد (اُردو پوائنٹ اخبارتازہ ترین - آن لائن۔ 27 اپریل2025ء)پنجاب کونسل آف آرٹس فیصل آباد ڈویژن میں3 روزہ لائلپور آرٹ فیسٹیول کا انعقاد کیا گیا۔آرٹ فیسٹیول پنجاب کونسل آف آرٹس فیصل آباد اور فنکار گھر کے اشتراک سے منعقد کیا گیا جس میں تین روزہ ویژول آرٹ کی نمائش، دستکاری کے سٹالز، فوڈ سٹالز، ویڈیو وی لاگز، تھیٹر اور صوفی نائٹ کا اہتمام کیا گیا۔

تین روزہ نمائش میں معروف آرٹسٹ، اساتذہ اور طلبہ و طالبات کے فن پارے نمائش کیلئے پیش کئے گئے۔ نمائش میں30 سے زائد آرٹ اینڈ ڈیزائن ڈیپارٹمنٹ کے اساتذہ کے فن پارے دکھائے گئے جن میں اسسٹنٹ پروفیسر گورنمنٹ کالج وویمن یونیورسٹی زین منظور،اسسٹنٹ پروفیسر نیشنل ٹیکسٹائل یونیورسٹی سلیم انصاری،اسسٹنٹ پروفیسر زرعی یونیورسٹی فریحہ غفار، طوبہ نجم،عدنان شیخ، ابیہہ فیاض، عامر علی، تبسّم لطیف، ڈاکٹر عائشہ ریاض، محمد جواد،عمیرہ محمد، محمد ثاقب راؤ اور دیگر اساتذہ کے فن پارے نمائش کیلئے پیش کئے گئے۔

(جاری ہے)

اس کے علاوہ20 سے زائد آرٹ اینڈ ڈیزائن کے طلباء و طالبات کے فن پارے بھی نمائش کیلئے پیش کئے گئے۔ نمائش کا افتتاح معروف آرٹسٹ اور اسسٹنٹ پروفیسر این سے اے لاہور آر-ایم نعیم اور صدف آر-ایم نے کیا دیگر مہمانوں میں معروف ویژول آرٹسٹ عظمت علی،حبیب عالم اور عاطف امیر شامل تھے۔ فیسٹیول کے پہلے روز نمائش دستکاری، کھانے کے سٹالز، تھیٹر اور قوالی پرفارمینس بھی کی گئی۔

دوسرے اور تیسرے روز آرٹ گیلری پنجاب کونسل آف آرٹس فیصل آباد میں نمائش ویژول آرٹ کی نمائش منعقد ہوئی جس میں فیصل آباد کی مختلف تعلیمی اداروں، یونیورسٹیز، فنکاروں اور شہریوں کی بڑی تعداد نے شرکت کی اور پنجاب کونسل آف آرٹس فیصل آباد اور فنکار گھر کی لائلپور آرٹ فیسٹیول کی کاوشوں کو سراہا اور مستقبل میں پنجاب کونسل آف آرٹس فیصل آباد، تعلیمی اداروں اور فنکاروں کے تعاون سے ایسی سرگرمیاں جاری رکھنے پر زور دیا۔