ابراہیم علی خان اور پلک تیواری کو اکثر ایک ساتھ دیکھا گیا

میں اپنے کیریئر کے اس نازک مرحلے پر ہوں جہاں اپنی شناخت بنانا میری اولین ترجیح ہے،پلک تیواری

پیر 28 اپریل 2025 12:26

ممبئی (اُردو پوائنٹ اخبارتازہ ترین - این این آئی۔ 28 اپریل2025ء)بالی وڈ کی چمکتی دنیا میں جہاں ہر لمحہ کسی نہ کسی نئے جوڑے کی سرگوشیاں سرخیوں کی زینت بنتی ہیں، وہیں سیف علی خان کے صاحبزادے ابراہیم علی خان اور ٹی وی کی مشہور اداکارہ شویتا تیواری کی بیٹی پلک تیواری بھی خبروں کی زد میں ہیں۔ابراہیم علی خان اور پلک تیواری کو اکثر ایک ساتھ دیکھا گیا، چہروں پر مسکراہٹیں اور ساتھ چلتے قدم، جنہیں میڈیا نے فورا نئی جوڑی کے القابات دے ڈالے۔

تاہم ابراہیم کے اچھی دوست والے محتاط بیان کے بعد، پلک تیواری نے بھی خاموشی توڑ دی ہے۔ ایک حالیہ انٹرویو میں پلک نے اپنی ڈیٹنگ کی افواہوں پر نہایت سنجیدگی سے روشنی ڈالی اور کہا کہ وہ اپنی ذاتی زندگی کو سرخیوں کا موضوع بنانا نہیں چاہتیں۔

(جاری ہے)

پلک نے صاف الفاظ میں کہا، میں اپنے کیریئر کے اس نازک مرحلے پر ہوں جہاں اپنی شناخت بنانا میری اولین ترجیح ہے۔

میں نہیں چاہتی کہ میری رومانوی زندگی میری محنت پر حاوی ہوجائے۔ پلک کے مطابق جب کوئی اپنے خوابوں کی تکمیل کیلیے جدوجہد کررہا ہو تو لو اسٹوری کی سرخیاں اس کی اصل کامیابی کو پس منظر میں دھکیل دیتی ہیں۔اداکارہ نے یہ بھی کہا کہ وہ اپنی زندگی کے معاملات میں دوسروں کی رائے یا مداخلت برداشت نہیں کرنا چاہتیں۔ میری ذاتی زندگی میری اپنی ہے، اور میں چاہتی ہوں کہ یہ نجی ہی رہے۔یاد رہے کہ ابراہیم علی خان نے بھی کچھ عرصہ پہلے اپنی گفتگو میں پلک کو ایک بہت اچھی دوست قرار دیا تھا اور ان کی تعریف کرتے ہوئے کہا تھا کہ ہاں، پلک بہت پیاری ہیں، بس اتنا ہی۔ لیکن انہوں نے بھی کسی رومانوی تعلق کی تصدیق کرنے سے گریز کیا تھا۔