آسٹریلیا مارولز آف سعودی آرکسٹرا کنسرٹ کی میزبانی کرے گا

پیر 28 اپریل 2025 15:47

کینبرا (اُردو پوائنٹ اخبارتازہ ترین - این این آئی۔ 28 اپریل2025ء)سعودی عرب کا میوزک کمیشن 12 مئی کو آسٹریلیا کے شہر سڈنی کے مشہور اوپیرا ہاس میں مارولز آف سعودی آرکسٹرا کنسرٹ کی میزبانی کرے گا۔میڈیارپورٹس کے مطابق یہ ایونٹ سعودی وزیرِ ثقافت اور میوزک کمیشن کے چیئرمین شہزداہ بدر بن عبداللہ بن فرحان کی سرپرستی میں منعقد ہو گا۔

(جاری ہے)

یہ کنسرٹ سعودی نیشنل آرکسٹرا اور کوائر (موسیقاروں کا طائفہ)کے عالمی دورے کا ساتواں پڑا ہے۔

اس ایونٹ میں سعودی عرب کی موسیقی کے شاندار ورثے اور فنی تنوع کو یکجا کر کے پیش کیا جائے گا۔آسٹریلیا کا میٹروپولیٹن آرکسٹرا اس تقریب میں شامل ہوگا جس میں آسٹریلوی دھنیں بھی پیش کی جائیں گی۔ ساتھ ساتھ دونوں ملکوں کی موسیقی پر مبنی روایات کے مختلف عناصر کی باہمی آمیزش سے ایک خصوصی فنی پیشکش بھی کنسرٹ کا حصہ ہوگی۔