فیصل آباد میں ڈکیتی اور چوری کی شرح میں 50 فیصد تک کمی آئی ہے، ترجمان سی پی او فیصل آباد آفس

پیر 28 اپریل 2025 17:08

فیصل آباد (اُردو پوائنٹ اخبارتازہ ترین - اے پی پی۔ 28 اپریل2025ء) فیصل آباد کے سی پی او آفس نے سال 2024 کی نسبت رواں سال 2025 میں سنگین جرائم کی شرح میں کمی کا تقابلی جائزہ جاری کردیا۔ترجمان پولیس طارق جٹ کے مطابق فیصل آباد میں ڈکیتی اور چوری کی شرح میں 50 فیصد تک کمی واقع آئی ہے۔انہوں نے بتایا کہ سٹی پولیس آفیسر صاحبزادہ بلال عمر کے احکامات کی روشنی میں اٹھائے گئے اقدامات کی بدولت سال2024 کی نسبت رواں سال 2025 میں ڈکیتی کی شرح میں 50 فیصدکمی اور سرقہ بالجبر میں 36 فیصد کمی رونماں ہوئی۔

سال 2024کی نسبت رواں سال2025میں موٹر سائیکل چھیننے کی واردتوں میں 33 فیصد کمی،کار چھیننے کی واردتوں میں 4 فیصدکمی، دیگر وہیکل چھیننے کی وارداتوں میں 14 فیصد کمی واقع ہوئی ہے۔

(جاری ہے)

گزشتہ سال 2024 کی نسبت رواں سال2025 میں کار چوری میں 3 فیصدکمی، موٹر سائیکل چوری میں 40 فیصد کمی اور دیگر وہیکل چوری میں 33 فیصد کمی آئی۔سٹی پولیس آفیسر صاحبزادہ بلال عمر کے احکامات اور بہترین حکمت عملی کی بنائپر رواں سال فیصل آباد پولیس کی موثر گشت اور پٹرولنگ سے جرائم کی شرح میں واضح کمی ہوئی۔

سٹی پولیس آفیسر نے جرائم کی روک تھام کیلئے پٹرولنگ گشت کے احکامات جاری کئے تھے۔تمام ٹاؤن ایس پیز، ڈی ایس پیز اور ایس ایچ اوز کو واضح پیغام دیا ہے کہ عوام الناس کی جان و مال کی حفاظت کے معاملہ میں کسی قسم کی غفلت اور لا پرواہی برداشت نہیں کی جائیگی۔