Live Updates

وزیرداخلہ محسن نقوی کا پاک افغان سرحد پر مزید 17 خوارجی دہشت گردوں کو جہنم واصل کرنے پر سکیورٹی فورسز کو خراج تحسین

پیر 28 اپریل 2025 20:02

اسلام آباد (اُردو پوائنٹ اخبارتازہ ترین - اے پی پی۔ 28 اپریل2025ء) وفاقی وزیرداخلہ محسن نقوی نے پاک افغان سرحد سے دراندازی کی کوشش ناکام بنانے پر سکیورٹی فورسز کو زبردست الفاظ میں خراج تحسین پیش کیا ہے۔

(جاری ہے)

اپنے بیان میں انہوں نے کہا کہ سکیورٹی فورسز نے مزید 17 خوارجی دہشت گردوں کو جہنم واصل کرکے دراندازی کو ناکام بنایا، پاکستان کی بہادر سکیورٹی فورسز نے دراندازی کرنے والے مزید 17خوارجی دہشت گردوں کو عبرتناک انجام تک پہنچایا،خوارجی دہشت گردوں کا انجام عبرتناک موت ہے۔

انہوں نے واضح کیا کہ پاکستان میں خوارجی دہشت گردوں اور پشت پناہی کرنے والوں کو کسی صورت نہیں چھوڑیں گے۔ خوارجی دہشت گردوں کے ناپاک عزائم خاک میں ملانے پر سیکورٹی فورسز کو سلام پیش کرتے ہیں۔ انہوں نے سکیورٹی فورسز کی پیشہ وارانہ صلاحیتوں کو سراہتے ہوئے کہا کہ قوم دراندازی سکیورٹی فورسز کی کارروائی کو تحسین کی نگاہ سے دیکھتی ہے،قوم کو سکیورٹی فورسز کی پیشہ وارانہ مہارت اور جرات پر فخر ہے، قوم سیکورٹی فورسز کے شانہ بشانہ کھڑی ہے ۔