لاہور پارکنگ کمپنی کی جانب سے ’’ٹریس ایبل ‘‘پارکنگ ٹکٹس متعارف

پیر 28 اپریل 2025 23:19

لاہور (اُردو پوائنٹ اخبارتازہ ترین - این این آئی۔ 28 اپریل2025ء) پارکنگ فیس میں ہیرا پھیرا اب نہیں چلے گی،لاہور پارکنگ کمپنی کی جانب سے ’’ٹریس ایبل‘‘پارکنگ ٹکٹس متعارف کروا دی گئیں ، نئی پرچیوں پر کیو آر کوڈ، سیریل نمبر، مقام، ورکر کا نام اور آئی ڈی درج ہو گی۔

(جاری ہے)

تفصیلات کے مطابق شہریوں کی شکایت کے ازالے کے لئے لی-پارک کی ای میل، ٹول فری اور وٹس ایپ نمبر درج ہوں گے، موٹرسائیکل کے لئے نیلی اور گاڑیوں کے لئے سبز رنگ کی پرچی مخصوص ہو گی۔3 رکنی کمیٹی نے سفارشات تیار کر لیں، کمیٹی میں سی ایف او محمد شیردل، منیجر آپریشن فیضان الحق، منیجر پلاننگ سلمان لطیف شامل ہیں، سی ای او لاہور پارکنگ کمپنی کی منظوری کے بعد نئی ٹکٹس مئی کے پہلے ہفتے سے متعارف کروا دی جائیں گی۔