کراچی کی سڑکوں پر دندناتی ہیوی گاڑیوں نے مزید 2 افراد کو کچل ڈالا

منگل 29 اپریل 2025 19:50

کراچی (اُردو پوائنٹ اخبارتازہ ترین - این این آئی۔ 29 اپریل2025ء) شہر قائد میں سڑکوں پر دندناتی ہیوی گاڑیوں نے مزید دو افراد کو کچل ڈالا جبکہ حادثے میں دو افراد زخمی بھی ہوئے۔تفصیلات کے مطابق کراچی کے علاقے اورنگی ٹاون نشان حیدر چوک کے قریب تیز رفتار ٹینکر نے موٹرسائیکل کو ٹکر ماری، حادثے میں ایک شخص جاں بحق اور دوسرا زخمی ہوگیا۔حادثے کے بعد ٹینکر ڈرائیور فرار ہوگیا۔

ریسکیو ذرائع نے بتایا کہ حادثہ تیز رفتار ٹینکر کی موٹر سائیکل سوار کو ٹکر کے نتیجے میں پیش آیا، جاں بحق اور زخمی دونوں نوجوان ہیں، جاں بحق نوجوان کی شناخت 22 سالہ مزمل اور زخمی کی شناخت 20 سالہ فیضان کے نام سے کی گئی تاہم جاں بحق اور زخمی افراد کو عباسی اسپتال منتقل کردیا گیا ہے۔دوسرے واقعے میں بلدیہ ٹاون رئیس گوٹھ کے قریب ٹریفک حادثے میں ایک شخص جاں بحق جبکہ دوسرا شدید زخمی ہو گیا۔

(جاری ہے)

پولیس کے مطابق تیز رفتار ٹرک نے موٹر سائیکل سواروں کو کچلا جبکہ ڈرائیور موقع سے فرار ہوگیا، جان بحق موٹر سائیکل سوار کی شناخت اشفاق علی اور زخمی کی شناخت عبداللہ کے نام سے ہوئی۔پولیس کا کہنا تھا کہ موچکو پولیس نے ٹرک تحویل میں لیا ہے فرار ڈرائیور کی گرفتاری کیلئے کوشش جاری ہے، موٹر سائیکل سوار افراد حساس ادارے کے سول ملازمین بتائے جاتے ہیں تاہم لاش اور زخمی کو اسپتال منتقل کردیا گیا ہے۔