Live Updates

پاکستان کرکٹ ٹیم کے نئے ہیڈ کوچ کیلئے مشاورتی عمل جاری،بورڈ درخواستوں کی ڈیڈ لائن ختم ہونے کا منتظر

منگل 29 اپریل 2025 23:40

اسلام آباد (اُردو پوائنٹ اخبارتازہ ترین - این این آئی۔ 29 اپریل2025ء)پاکستان کرکٹ ٹیم کے ہیڈ کوچ کیلئے مشاورتی عمل جاری ہے، پاکستان کرکٹ بورڈ ہیڈ کوچ کیلئے درخواستوں کی ڈیڈ لائن ختم ہونے کا منتظر ہے۔ذرائع کے مطابق پی سی بی نے 4 مئی تک درخواستیں طلب کر رکھی ہیں، جس کے بعد قومی ٹیم کے ہیڈ کوچ کی تقرری ہوگی۔ذرائع نے بتایا کہ نیوزی لینڈ کے مائیک ہیسن پاکستان ٹیم کے ہیڈ کوچ کے لیے مضبوط امیدوار ہیں۔

(جاری ہے)

مشاورتی عمل میں مائیک ہیسن کی تجویز دی گئی ہے، ممکنہ طور پر مائیک ہیسن ہی پاکستان کرکٹ ٹیم کے ہیڈ کوچ ہوں گے۔ذرائع کے مطابق مائیک ہیسن اس وقت اسلام آباد یونائیٹڈ کے ہیڈ کوچ ہیں، نئے ہیڈ کوچ کو وائٹ بال کرکٹ ٹیم کی ذمہ داری سونپی جائے گی۔ پاکستان ٹیم کا اگلا اسائنمنٹ بنگلادیش کے خلاف ٹی ٹوئنٹی سیریز ہے۔ 5 ٹی ٹوئنٹی میچز کی سیریز کے 2 میچز فیصل آباد اور 3 میچز لاہور میں ہوں گے۔ بنگلادیش کی ٹیم 21 مئی کو پاکستان پہنچے گی۔ذرائع نے بتایا کہ صاحبزادہ فرحان، حسین طلعت، حسن علی، فہیم اشرف اور علی رضا کو بنگلادیش کے خلاف سیریز میں شامل کیے جانے کا امکان ہے۔