Live Updates

کرکٹ ٹیم گیم ہے، ایک کھلاڑی سب میچ نہیں جتواتا، سکندر رضا

منگل 29 اپریل 2025 23:40

لاہور (اُردو پوائنٹ اخبارتازہ ترین - این این آئی۔ 29 اپریل2025ء)پاکستان سپر لیگ (پی ایس ایل)کی فرنچائز لاہور قلندر کے آل رانڈر سکندر رضا نے کہا ہے کہ ایک ہی کھلاڑی سب میچ نہیں جتواتا، ٹاپ آرڈر آٹ ہوگا تو ہماری باری آئے گی۔نجی ٹی وی سے گفتگو کرتے ہوئے سکندر رضا نے کہا کہ لاہور قلندرز کے ٹاپ آرڈر کو تھوڑا زیادہ تنقید کا نشانہ بنایا جا رہا ہے۔

انہوں نے کہا کہ کھلاڑیوں کو تھوڑا وقت چاہیے، ہم نعیم کو بیک کر رہے ہیں، ٹاپ آرڈر میں فخر زمان فخر ہیں، وہ ہر سال رنز کرتے ہیں۔انہوںنے کہاکہ کرکٹ ٹیم گیم ہے ہر کسی کو اپنا حصہ ڈالنا ہوتا ہے۔آل رائونڈر کھلاڑی کے مطابق لاہور میں نیا بال کھیلنا تھوڑا مشکل ہو رہا ہے، پاور پلے میں 40 رنز پر کوئی آوٹ نہ ہو تو یہ بھی ٹھیک ہے۔

(جاری ہے)

سکندر رضا کے مطابق میں نہیں سمجھتا کہ لاہور قلندرز کا ابھی مومنٹم بنا ہے، ابھی ہم مزید بہتر کرسکتے ہیں، ابھی ہم 100 فیصد نہیں دے پا رہے۔

انہوں نے کہا کہ اچھی بات یہ ہے کہ ابھی سب پرفارم نہیں کر پا رہے پھر بھی جیت رہے ہیں۔ میں تو یہ سوچ کر پرجوش یوں کہ اگر سب اپنا حصہ ڈالیں گے اور ہم جیتیں گے تو کتنا مزہ آئے گا۔آل رائونڈر نے کہا کہ ملتان سلطانز کے خلاف میچ میں ایک ہی مائنڈ سیٹ تھا کہ لاہور قلندرز کو میچ جتوانا ہے۔ میرا رول بھی یہی ہے کہ میں اننگز کے آخر تک کریز پر رہنے کی کوشش کروں۔انہوںنے کہاکہ ڈیرل مچل اور میری پازیٹو سوچ ہوتی ہے اور ملتان سلطانز کے خلاف بھی ایسا ہی تھا۔