سعودی عرب ،غیرملکی فضائی کمپنیاں جمعرات سے چارٹرڈ فلائٹس آپریشن کا آغاز کریں گی

بدھ 30 اپریل 2025 10:40

ریاض (اُردو پوائنٹ اخبارتازہ ترین - اے پی پی۔ 30 اپریل2025ء) سعودی عرب میں غیرملکی فضائی کمپنیاں جمعرات سے چارٹرڈ فلائٹس آپریشن کا آغاز کریں گی۔ اردو نیوز کے مطابق سعودی عرب میں غیرملکی فضائی کمپنیوں کو ایوی ایشن کی جانب سے اندورن ملک چارٹرڈ فلائٹس آپریشن کی منظوری دی گئی ہے۔

(جاری ہے)

اس ضمن میں غیرملکی فضائی کمپنیوں کی جانب سے باقاعدہ طور پر جمعرات سے چارٹرڈ فلائٹس آپریشن کا آغاز کرنے کی تیاریاں مکمل کرلی گئی ہیں۔

آن ڈیمانڈکے عنوان سے نجی فلائٹس سروس کا دائرہ اندرون مملکت شروع کرنے سے اس شعبے میں سرمایہ کاری کو بھی فروغ ملے گا،مثبت مسابقت سے لوگوں کو بھی اس حوالے سے بہتر سہولیات میسرآئیں گی۔واضح رہے کہ سعودی و یژن 2030 کے اہداف میں سول ایوی ایشن سیکٹر کو بہتر بناتے ہوئے سالانہ بنیاد پر مسافروں کی تعداد 330 ملین تک اور قابل رسائی بین الاقوامی ایئرپورٹس کو بھی 250 تک لے جانا ہے۔