Live Updates

ہمارے کھلاڑی رواں سیزن میں اچھا پرفارم نہیں کرسکے،محمد وسیم

بدھ 30 اپریل 2025 14:50

لاہور(اُردو پوائنٹ اخبارتازہ ترین - این این آئی۔ 30 اپریل2025ء) ملتان سلطانز کے اسسٹنٹ ہیڈ کوچ محمد وسیم نے کہا کہ کرکٹ میں کوئی نہ کوئی سیزن ہوتا ہے جس میں اچھا پرفارم نہیں کرپاتے۔ملتان سلطانز کے اسسٹنٹ ہیڈ کوچ محمد وسیم نے پوسٹ میچ پریس کانفرنس میں کہاکہ ہمارے کھلاڑی رواں سیزن میں اچھا پرفارم نہیں کرسکے، پچھلے سیزن میں ہم مڈل اوورز میں وکٹیں لے رہے تھے، کھلاڑی ہمارے ڈیلور نہیں کرسکے، رضوان نے اچھی بیٹنگ کی ہے۔

(جاری ہے)

محمد وسیم نے کہاکہ جب ٹیم نہیں جیت رہی ہوتی تو انفرادی کارکردگی معنی نہیں رکھتی، ہم صرف ایک شعبے کی وجہ سے بلکہ تینوں شعبوں میں اچھا نہیں کر پائے، جب ٹیم ہار رہی ہوتی ہے تو ایک دوسرے پر باتیں ہو جاتی ہیں، ایسی بات نہیں ہے کہ ٹیم متحد نہیں ہے۔ان کا مزید کہنا تھا کہ پی ایس ایل ابھی ملتان سلطانز کیلئے ختم نہیں ہوا، عبید شاہ نے پلاٹینیم کھلاڑیوں سے بھی زیادہ اچھا پرفارم کیا، یاسر شاہ نے بھی ماڈرن ڈے کرکٹ کے مطابق کھیل رہے ہیں، دونوں کھلاڑی پاکستان کا اچھا مستقبل بن سکتے ہیں۔